Accessibility links

пәнҗешәмбе, 8 декабрь 2016, Казан вакыты 03:17

Qırğızstan oppozitsiäse yaña xökümät tözi


Qırğızstan oppozitsiäse yaña xökümät tözüen häm 3 ay eçendä prezident saylawları ütkäräçägen belderde. Oppozitsiä citäkçeläreneñ berse Roza Otunbaeva CNN televideniesenä birgän äñgämäsendä, Yün ayında prezident saylawları häm şunnan soñ yaña parlament saylawları ütäçägen äytte. Parlament tarafınnan waqıtlı prezident itep bilgelängän Kurmanbäk Bakiev waqıtlı xökümät töziäçägen äytte:

Audio (Kurmanbäk Bakiev) "Ägär miña ışanasız ikän, xäzer tiz arada waqıtlı xökümät tözü mömkinlege biregez. Ul, kiläse saylawlarğa qädär, 3 ay çaması eşliäçäk."

Ul arada bärep töşerelgän prezident Askar Akaev ildän kitkän bulsa da, älegä wazifasınnan baş tartmağan. Qırığızstannıñ Kabar mäglümätlär agentlığına cibärgän belderüenä ul Qırğızstanda bulğan soñğı waqiğalarnı konstitutsiägä qarşı fetnä dip atıy. Qırğız oppozitsiäseneñ parlament saylawları näticälärenä protest belderep berniçä atna däwam itkän qarşılıq çaraları, pänceşämbedä Bişkäktä xökümät binasın alu belän tämamlandı.

XS
SM
MD
LG