Accessibility links

Кайнар хәбәр

Ğiraqta törmä astına qazılğan tunnel tabılğan


Amerikan xärbiläre, Ğiraqtağı Buçça totqarlaw üzäge astına qazılğan 180 metr ozınlıqtağı tünnel tabuları turında xäbär itte. Amerikan xärbiläre äytüençä, tunnel üzäkneñ qoymasına qadär qazılğan bulğan, läkin annan ber totqın da qaça almağan. Könyaq Ğiraqtağı Buçça totqarlaw üzgägendä barlığı 6 meñnän artıq totqın bar dip sanala.

Ul arada Ğiraqnıñ saqlanu ministrı Hazim äl-Şalan süzlärençä, bügen amerikan xärbiläre şiğilärneñ Kerbala şähärendä ütkärgän operatsiä näticäsendä, ğisyançı buluda şiklänelgän kimendä 120 keşene totqarlağan. Totqarlaw waqıtında berniçäse üterelgän. Alarda şartlatqıç, maşinağa quya torğan bombalar, granatometlar tabılğan. Amerikan xärbiläre älegä bu xäbärne raslamadı. Kiläse atnada Kerbalada şiğilärneñ dini bäyräme ütergä tieş, anda yözlägän meñ keşe kiler dip kötelä. Şalan fikerençä, ğisyançılar şul waqıtqa höcüm äzerlägän bulırğa mömkin.
XS
SM
MD
LG