Accessibility links

шимбә, 3 декабрь 2016, Казан вакыты 07:52

AQŞ: Schiavonı yäşätü öçen alıp barılğan legal köräş tuqtatıldı


Florida xästäxänäsendä yatqan mienä zian kilgän Terry Schiavo tiräsendä barğan ,AQŞnı ğına tügel dönya cämäğätçelegen dä mäşğül itkän cancal tämamlanıp kilä kebek. Terrynıñ ata anası anı yäşätü öçen 7 yıldan birle alıp barğan legal köräşne tuqtattılar. Yöräk öyänäge säbäple mienä zian kilgän 41yäşlek Schiavonıñ 15yıldan birle ''biologik yäşäwen '' tämin itep kilgän tuqlandıru köpşäläre 10kön elek ireneñ taläbe belän alındı. Terrynıñ ata anası monıñ belän kileşmiçä, köpşäneñ yañadan urnaştırıluı öçen legal yullarğa möräcäğät itsä dä, bu näticesız buldı. Ata-ananı yaqlawçılarnıñ protestları şulayuq bu turıdağı säyäsi häm dini debatlar däwam itä.

Sunı da aşnı da üze yota almağan Terry Schiavo yıllardan birle turıdan turı aşqazanına totaştırılğan köpşelär belän yäşätelä. Şuşı köpşälär 18nçe martta ireneñ taläbe belän alındı .Tabiplar köpşälär alınğannan soñ ul 2 atna eçendä üläçäk dip äytkän ide .Protest belderüçelär tönne xästäxänä tiräsendä şämnär yandırıp ütkärde tağı. Schiavonı politsiä saqlap tora. Protest belderüçelär arasında rim katolikları, protestannnar häm möselmannar da bar Schiavonıñ ata anaları Mary häm Bob Schindlerneñ süzçese katolik pop

Paul O''Donnel (audio)

Terrydä açlıq häm suyuğaltu işaräläre kürenä

O''Donnel (audio)

Schindler ğailäse mondağı häm böten dönyadağı yaqlawçılarına räxmätlären belderä. Bügen bez izge paska bäyrämen qotlıy başlıybız. Schindler ğailäse här kemneñ öyenä qaytuın balaları belän bergä buluın alarnı qoçaqlap alar belän ütkärgän här mizgelgä şatlanuların teli

Schiavonıñ yazmışı turındağı xoquq köräşe sonğı 7yılda distädän artıq ştat mäxkämäsendä bardı.Anı tuqlandırğan köpşälär ütkändä 2 märtäbä alınıp yañadan quyıldı. Terrynıñ xoquqların da yaqlawçı ire Michael Schiavo xatınına ülergä röxsät itelergä tieş di . Michael xatınım älege şartlarda anı yasalma räweştä yäşätü belän kileşmäs ide digän argument belän mäxkämä protsesslarında ciñep çıqtı. Ämma Terryneñ ata anası monıñ belän kileşmiçä qızlarınıñ biologik yäşäwen däwam itterü öşenä federal xakimiätlärne dä qatnaştırırğa tırıştı. 21nçe martta prezident G.Bush aşığıç qanunğa qul quydı. Bu qanun Terryneñ apilatsiä protsesları barğanda aña 3nçe märtäbä tuqlanu köpşäsen urnaştırunı küzdä tota ide. Ämma federal xakim, mäxkämälärneñ birgän eleke qararnı üzgärtmäde yäğni köpşälär yañadan urnaştırılmadı. Terryneñ atası bälkim dä qızım däwalau näticäsendä yaxşılanır ide dip ömed itä.Ütkän atnada Schindler ğailäse däwlät häm federal mäxkämägä küp märtäbälär möräcäğät itte . AQŞ yuğarı mäxkämäse bu mäsäläne qaraunı kire qaqtı. G.Bushnıñ tuğanı Florida gubernatorı Jeb Bush yäkşämbedä min üzköçemdä bulğan här närsäne eşlädem, mäxkämä qararın boza almim dip CNNğa belderde. Kongress tırışlıqların tänqitläwçelär mäxkämä tarafınnan qarar birelgän ğailä mäsäläsenä tıqşınu dip bäyäläde.Fiker beleşülär amerikannarnıñ zur öleşeneñ kongress inisiativasın yaqlamavın kürsätte. Prezident Bush Amerika tormış-yäşäwne yaqlaw yağında bulırğa tieş digän qaraş belän Terry Schiavo mäsäläsenä qatnaşuın äytsä dä, legal expertlar Bush ''ülem xoquqı'' belän tulısınça kileşep citmi çönki ul üze 1999nçe yılda Texasta näk Floridadağı kebek qanunğa qul quydı .Texas qanunınäk Florida qanunı kebek ğailä äğzası yäki başqa yaqınınıñ taläbe belän biologik tormışnı däwam ittergän köpşe, cihazlarnı tuqtatuğa röxsät itä. Texas Universitetı xoquq profesorı, bioetik turında kitap aftorı John Robertson ägär äle Floridadağı xäl Texasta bulsa ide, näk şul xällär monda da qabatlanır ide. Yäğni mäxkämä şunduyuq qarar çığarır ide di. Ämma profesor Robertson G.Bushnıñ Schiavo öçen qabul itelgän aşığıç qanunnı yaqlawı belän Texas qanunı arasında turıdan turı qapmaqarşılıq kürmi, ul ştat perspektivasınnan qarağanda ul çaqta qanun yaxşı ide xäzer isä ul bälkim dä ikençe märtäbä tikşerelergä tieşle mäsälälär dä bardır dip qarıy dip söyläde. G.Bushnıñ Terry mäsäläsenä qatnaşuın Texasta ülem cazasına qarşı buluçılar da tänqtli, alar prezident monda gubernator bulıp torğan çaqta bik küp ülem cazası , şulsanda ğäyeplelekläre şik astında buluçılarğa da birelde ,şunlıqtan prezidentnıñ tormışnı saqlap qalu turındağı süzläre ışandıruçı tügel dip äytä. färidä xämit
XS
SM
MD
LG