Accessibility links

шимбә, 10 декабрь 2016, Казан вакыты 19:38

Qırğızstan: waqıtlı prezident premier da buldı


Qırğızstannıñ yaña parlamentı Kurmanbek Bakievnı waqıtlı premier-ministr itep bilgeläde. Bakiev berük waqıtta prezident wazifaların da başqara. Yaña parlamentnıñ räise Omurbek Tekebaev bolay dip belderde:

Audio (Omurbek Tekebaev) "Bez bu wazğiätne qanuni yulğa borırğa tieşbez. Berençedän, Bakievnı premier-ministr itep tanırğa. İkençedän, cämğiät, şul isäptän räsmilär dä, yaña parlamentnı tanırğa tieş. Bu xäldän şualy çığıp bula."

Tekebaev süzlärençä, yaña prezident saylawları bärep töşerelgän prezident Askar Akaev belän söyläşkännän soñ ğına ütergä tieş. Akaev ilennän kitsä dä, älegä wazifasınnan kitüen beldermäde. Anıñ qayda ikäne räsmi töstä iğlan itelmi. Anıñ belän elemtädä bulğan deputatlar, ul ber çit ildä dip kenä äytä. İnterfax agentlığı, Akaev – Mäskäw astındağı sanatorilarnıñ bersendä, dip xäbär itä.

XS
SM
MD
LG