İlneñ elekke, ike palatadan torğan parlamentın kilep tuğan şartlarda inde taratu kiräklege turında düşämbe kiçendä kileşende. Xalıq wäkilläre mäclese dip atalğan yuğarı palatanıñ citäkçese Moratbäk Mukaşev monı ildä tınıçlıq wä totrıqlılıqnı saqlap qalu maqsatında eşlärgä kiräk dip belderde:
Audio, Moratbäk Mukaşev
"Qırğızstannıñ yaña berpalatalı parlamentı martnıñ 28-endä Omurbäk Tekebayevne üz citäkçese itep saylap, anıñ soñraq Qormanbäk Baqievne premyer-ministr itep bilgeläwen iskä alıp, Xalıq wäkilläre mäclese totrıqlılıq wä tärtip saqlaw maqsatında üz eşen irtäräk, bıyılnıñ 14-enä qädär tögällärgä buldı" di şul palatanıñ citäkçese Mukaşev. Şuşı qararnı 45 deputatnıñ 32-se yaqlap çıqtı. Utırışta qatnaşqan waqıtlı premyer-ministr Qormanbäk Baqiev, alarnıñ şuşı ğämälen "bik döres qarar" dip xupladı.
Audio, Qormanbäk Baqiev
"Sez äle genä qabul itkän qarar ifrat zur ähämiatkä iä, ul Qırğızstan tarixında möhim urın alaçaq" dip bäyäli elekke parlament palatasınıñ üzen taratu turındağı qararın Qormanbäk Baqiev. Aña qädär näq şunı uq tübän palatadağı deputatlar da eşlärgä tırışıp qaradı, ämma anda qararnı 60 deputattan 25-e genä xupladı. Şulay itep monıñ qanuni köçe yuq, ämma çınbarlıqta ul elekke parlamentnıñ eşen tulısınça tuqtata, çönki anıñ uıtırışına 25 deputat kilmäsä, parlament inde eşli almıy. Soñğı könnärdä Qırğızstanda ike parlament eşläp kilgän ide, sişämbegä qarşı töndä iskeseneñ üz eşen tuqtatu turında qarar qabul itüe şuşı xakimiat krizisınıñ formal'' töstä betüen añlata. Xäzer inde başqarma xakimiatkä kilgän oppozitsiä, ayırım alğanda waqıtlı premyer-ministr itep bilgelängän Qormanbäk Baqiev iğtibarnı başqa möhim problemalarnı çişügä yünälderep bula dip isäpli häm:
Audio, Qormanbäk Baqiev
"Xäzer inde iñ möhim burıç bulıp tärtip urnaştıru häm ildäge wäzğiatne totrıqlandıru tora" dip belderä. Ämma elekke prezident Äskär Aqayev tarafdarları üzläreneñ älegä ciñel genä birelergä cıyınmawın äytä. Alarnıñ "Ğädellek" digän xäräkäte, uzğan atnadağı xällärne qanuni yaqtan centekläp tikşerü öçen, törle säyäsi köçlärneñ wäkillärennän torğan maxsus törkem tözüne taläp itä. Alar şulay uq, Aqayev kire Qırğızstanğa qaytıp üz eşennän kitmi torıp, ul ilneñ qanuni prezidentı bulıp qala dip belderä. Sişämbedä Aqayev üze "Exo Moskvy" radiosı aşa üzeneñ çınnan Rusiädä buluın xäbär itte häm Qırğızstandağı xällärne niçek bäyäläwen söyläp birde. Ul Feliks Kulov, Qormanbäk Baqiev kebek oppozitsiä citäkçeläreneñ xäzerge waqıtta xakimiattä utıruı qanuni tügel, ildä barı tik yaña parlament eşen genä qanuni dip tanıp bula dide häm üzeneñ anıñ belän xezmättäşlek itügä äzer buluın belderde.
Kärim Kamal
Audio, Moratbäk Mukaşev
"Qırğızstannıñ yaña berpalatalı parlamentı martnıñ 28-endä Omurbäk Tekebayevne üz citäkçese itep saylap, anıñ soñraq Qormanbäk Baqievne premyer-ministr itep bilgeläwen iskä alıp, Xalıq wäkilläre mäclese totrıqlılıq wä tärtip saqlaw maqsatında üz eşen irtäräk, bıyılnıñ 14-enä qädär tögällärgä buldı" di şul palatanıñ citäkçese Mukaşev. Şuşı qararnı 45 deputatnıñ 32-se yaqlap çıqtı. Utırışta qatnaşqan waqıtlı premyer-ministr Qormanbäk Baqiev, alarnıñ şuşı ğämälen "bik döres qarar" dip xupladı.
Audio, Qormanbäk Baqiev
"Sez äle genä qabul itkän qarar ifrat zur ähämiatkä iä, ul Qırğızstan tarixında möhim urın alaçaq" dip bäyäli elekke parlament palatasınıñ üzen taratu turındağı qararın Qormanbäk Baqiev. Aña qädär näq şunı uq tübän palatadağı deputatlar da eşlärgä tırışıp qaradı, ämma anda qararnı 60 deputattan 25-e genä xupladı. Şulay itep monıñ qanuni köçe yuq, ämma çınbarlıqta ul elekke parlamentnıñ eşen tulısınça tuqtata, çönki anıñ uıtırışına 25 deputat kilmäsä, parlament inde eşli almıy. Soñğı könnärdä Qırğızstanda ike parlament eşläp kilgän ide, sişämbegä qarşı töndä iskeseneñ üz eşen tuqtatu turında qarar qabul itüe şuşı xakimiat krizisınıñ formal'' töstä betüen añlata. Xäzer inde başqarma xakimiatkä kilgän oppozitsiä, ayırım alğanda waqıtlı premyer-ministr itep bilgelängän Qormanbäk Baqiev iğtibarnı başqa möhim problemalarnı çişügä yünälderep bula dip isäpli häm:
Audio, Qormanbäk Baqiev
"Xäzer inde iñ möhim burıç bulıp tärtip urnaştıru häm ildäge wäzğiatne totrıqlandıru tora" dip belderä. Ämma elekke prezident Äskär Aqayev tarafdarları üzläreneñ älegä ciñel genä birelergä cıyınmawın äytä. Alarnıñ "Ğädellek" digän xäräkäte, uzğan atnadağı xällärne qanuni yaqtan centekläp tikşerü öçen, törle säyäsi köçlärneñ wäkillärennän torğan maxsus törkem tözüne taläp itä. Alar şulay uq, Aqayev kire Qırğızstanğa qaytıp üz eşennän kitmi torıp, ul ilneñ qanuni prezidentı bulıp qala dip belderä. Sişämbedä Aqayev üze "Exo Moskvy" radiosı aşa üzeneñ çınnan Rusiädä buluın xäbär itte häm Qırğızstandağı xällärne niçek bäyäläwen söyläp birde. Ul Feliks Kulov, Qormanbäk Baqiev kebek oppozitsiä citäkçeläreneñ xäzerge waqıtta xakimiattä utıruı qanuni tügel, ildä barı tik yaña parlament eşen genä qanuni dip tanıp bula dide häm üzeneñ anıñ belän xezmättäşlek itügä äzer buluın belderde.
Kärim Kamal