Accessibility links

якшәмбе, 11 декабрь 2016, Казан вакыты 17:04

Çäçänne cäberlägän OMONçığa 11 yıl birelde


Groznıy mäxkämäse bügen Rusiäneñ militsiä xezmätkäre Sergei Lapinnı, çeçen keşesen cäberläwdä ğäyeple dip tabıp, 11 yıl törmägä xökem itte. Xäkimnär äytüençä, OMON saflarında xezmät itkän Lapin 2001neñ ğinwarında Zälimxan Murdalovnı totqarlapğan häm añın yuğaltqançı qıynağannan soñ törmägä yaqpan. İkençe köngä Murdalov törmädä yuqqa çıqqan, anıñ qayda ikäne älegäçä bilgesez. Lapin mäxkämädä üzeneñ ğäyeben kire qaqtı. Bügenge xökem Çeçen mäxkämäse federallarnıñ cirle xalıqqa qarata qılğan cinäyätläre öçen çığarğan berençe xökem buldı. Mondıy cinäyätlär turında keşe xoquqların yaqlawçılar inde küptännän çañ suğıp kilä.

XS
SM
MD
LG