Accessibility links

дүшәмбе, 5 декабрь 2016, Казан вакыты 19:37

BMO komissiäse K.Annannı aqlasa da, Ğiraq programmasında oyışmanı tänqitli


BMOnıñ Ğıraqqa neftkä almaşqa azıq tölek programması tiräsendäge cancalnı tikşergän bäysez komitet, general sekretar K.Annan ulı eşlägän şirkät belän oyışma arasındağı kontraktqa täsir itmäde digän näticägä kilsä dä, Komisiä BMOnıñ Ğıraq humanitar programması belän idarä itüenä qarata yaña tänqitlär belderde. Komisiä xisabı ,AQŞlarında Annannıñ çigenüen taläp itkän BMOnı tänqitläwçelärne qıyulandıra ala. K.Annan jurnalistlarğa ğäyepsez buluım açıqlandı , Dönya Oyışmasın reformalau eşenä tulısınça kereşä alam dip beldergän.

BMOnıñ neftkä almaşqa azıq tölek programması turındağı bäxäsne tikşergän bäysez komisiä xisabında K.Annannıñ 1998-nçe yılda BMO belän millionnarça dollarlıq kontakt täzegän Şwitsar şirkäte belän bäyleneşe buluın kürsätkän dälil tabılmadı dip äytelä. Annan ulı Kojo şwitsar şirkäte Cotecnada eşlägänlektän üze nindider kileşsez eşlär eşläde digän ğäyepläwlärne aylardan birle kire qağıp kilä.

Kofi Annan (audio)

Miña quyılğan şundıy küp qayğı birüçe , döres bulmağan ğäyepläwlärdän soñ, bäysez komitetnıñ aqlawı bik zur ciñellek bulıp tora.

Läkin şulay da xisap BMonıñ bäxäsle programma belän idaräse turında yaña sorawlar tudıra. Komissiä konflikt faş itelgäç häm baytaq qına yuğarı däräcädäge yardämçeläreneñ sorawlar tudırğan qılanışların şunduq nıqlap tikşerä başlamadı dip Annannı tänqitli.Komissiä ike ayda ikençe märtäbä inde BMOnıñ 64milliard dollarlıq programma belän idaräse turında borçılu belderä. Fevral ayında komissiä program citäkçese Benon Sevan kontraktlarnı dustına tapşırğan dip açıp saldı. Elek Federal bank citäkçese bulıp torğan, tikşerüne citäkläwçe Paul Volcker süzlärençä sonğı tikşerüdä Annan häm qatnaşı bulğan şäxeslär nıqlap sorauğa tartılğan. Näticädä 1998 nçe yılda Cotecnanıñ humanitar inspeksiä kontraktın alu eşenä kerergä tırışuı turında Annannıñ ber närsä belmäwe açıqlanğan. Ämma Volcker ber genä könlek tikşerü citärlek tügel dip qabatlıy

Volcker(audio)

Bez söyläşkän keşelärneñ berse dä Annan Cotecnanı saylaw eşenä qatnaştı dip şiklänmi Şulay da tikşerü näticäläre kiläçäktä niçek itep qalqıp çığar belmim

Xisapta Annannıñ ulı Koyo häm Cotecna 1999 belän 2004nçe yıllar arasında üzläreneñ finans elemtäläre turında general sekretarğa yalğan söyläde dip yazılğan. Annan ulın komisiä belän xezmättäşelek itärgä çaqırğan

Annan(audio)

Min ulımnı yaratam häm här waqıtta da annan turılıqlılıq köttem. Monıñ şulay bulmawına häm anıñ komissiä belän xezmätäşlek itmävenä bik borçıldım.Min aña xezmätäşlek itärgä quştım,üz pozitsiäsen üzgärtergä , xezmätäşlekkkä çaqıram.

Xisaptağı yaña detallärdän berse mondıy: Annannıñ eleke ştab başlığı İqbal Riza ütkän yılda tikşerü belän bäyleneşle 3 yıllıq dokumentlarnı yuq itkän. Riza komissiägä cibärgän xatında , dokumentlar yuq itelde, çönki alarnıñ östämä kopyaları başqa ber qatırğığa terkälde. Bu BMOda ğädäti praktika dip yazğan. Volcker bu eş komissiä oyışqan çaqqa turı kilde , häm bez yuq itelgän dokumentlar arasında BMO qatırğılarında bulmağan nindider dälil barmı ide belmibez di. Annannıñ yaña ştab başlığı Mark Malloch Brown Rizanıñ açıqlawı mäqül bulıp kürensä dä ul şartlarda andıy dokumentlarnı yuq itü tikşerelergä tieş. Çönki çara general sekretarnıñ ul turıdağı memorandumına kileşsez mäsälä qaralırğa tieş dip söyläde. Xisap ayruça eçke xezmätlär direktorı Dilip Nairnı neftkä almaşqa azıq tölek pragramması aqçasınnan tülep program belän beyläneşe bulmağan xezmätkär aluda ğäyepli . Nair ğäyepläwne kire qağa. Neftkä almaşqa azıq tölek programmasın tikşergän tübän komitet citäkçse senator Norm Coleman sonğı xisap Annan citäkçelegendäge BMO turındağı borçılularımnı raslıy, ul çigenergä tieş dip beldersä dä , Däwlät Departamentı süzçese A.Ereli Bush administratsiäse Annannı yaqlıy dip äytte färidä xämit
XS
SM
MD
LG