Accessibility links

якшәмбе, 4 декабрь 2016, Казан вакыты 02:55

Kulov: "Kön-yarımda tärtip urnaştırdıq"


Bişkäk -- Qırğızstan oppozitsiäse citäkçeläreneñ berse Feliks Kulov ilneñ qüät idarälären koordinatsiäläw wazifasınnan kitüen belderde. Bu wazifağa ul uzğan atna prezident Askar Akaev bärep töşerelgännän soñ tärtipsezläklär başlanğaç bilgelelängän ide. Bügen Bişkäktä ütkän matbuğat oçraşuında ul wazifadan kitüen ildä tärtip urnaşu belän añlattı:

Audio (Feliks Kulov) "Bez kön-yarım eçendä tärtip urnaştırdıq. Ber tapqır da atmadıq, berkemne ütermädek, qanunnı bozmadıq."

Soñraq parlamentta yasağan çığışnda Kulov şul uq süzlärne qabatladı, häm tärtip saqlaw idaräläre ğädättäge eşçänlegenä qayta dip östäde. Parlament anı bu wazifasınnan buşattı.

Qırğızstannıñ waqıtlı prezident häm premier-ministr wazifaların başqaruçı Kurmanbek Bakiev, uzğan atna Qırğızstanda bulğan inqlap – eçke säbäplär arqasında, çit yärdämsez buldı, anı Ukraina häm Gruziädä bulğan xällär belän çağıştıru döres tügel dip belderde. Berük waqıtta ul Qırğızstandağı xällär kürşe Üzbäkstan häm Qazaxstan citäkçelären borçuğa saldı, dide.

Pänceşämbedä Bişkäkkä Ukraina häm Gruziä tışqı eşlär ministrları häm Yevropada İminlek häm Xezmättäşlek oyışması başlığı, Sloveniä tışqı eşlär ministrı Dimitri Rupel kilä.

XS
SM
MD
LG