Accessibility links

якшәмбе, 4 декабрь 2016, Казан вакыты 09:11

Yevropa Wolfowitzqa rizalığın birde


Yevropa Komissiäse Dönya Bankı citäkçese urınına Paul Wolfowitz namzätenä rizalığın belderde. Wolfowitz bügen Brusseldä Yevropa räsmiläre belän oçraştı. Yevropa Berlegendä räislek itüçe Luxemburg premier-ministrı Jean-Claude Juncker süzlärençä, oçraşu dustanä şartlarda ütkän. Wolfowitznıñ irekle säwdä, xäyerçelekne beterü, täräqqiät turındağı süzläre Yevropa räsmilärendä qänäğätlänü xise qaldırğan. Wolfowitz Dönya Bankında küp millätle idarä buldırırğa niät beldergän. Alay da, jurnalistlar belän oçraşuda ül üzeneñ qarşılıqlı nazmät buluın belgänen äytte:

Audio (Paul Wolfowitz) "Üzemneñ, yomşaq itep äytkändä, qarşılıqlı şäxes buluımnı añlıym. Läkin keşelär mine yaxşıraq belgän sayın, bu Banknıñ missiäsenä nıq ışanuımnı añlar dip ömetlänäm. Şulay bulmasa min bu wazifağa rizalıq birmäs idem."

Wolfowitznı Dönya Bankı citäkçese urınına ike atna elek Amerikan prezidentı George Bush täqdim itkän ide. İrtägä Banknıñ 24 äğzadan torğan idarä şurası şuşı mäsäläne tikşerergä cıyına.

XS
SM
MD
LG