Vladikavkazdağı Sputnik qasabasında xezmät itüçe Oleg Terexinnı komandirı ber osetinğa xezmätçe itep satqan. Oleg xärbi xezmätkä Blağoweşçen şähärennän çaqırılğan. Sankt-Peterburgta motouqçığa uqıtılğannan soñ, älege xezmät urınına cibärelä. Läkin kilü belän anı komandirı kapitan Aleksandr Tereşçuq Aslan Doğuzov atlı ber osetinğa tapşıra. Doğuzov monıñ öçen qäpitänğa atnasına 700 sum aqça tüläp tora. Yeget osetinnıñ malın qarıy, kibet häm garaj salışa, baqçasında eşli. Sigez ay şulay xezmät itkännän soñ ata-anasına xäbär itü yulın taba häm anı urlap Başqortstanğa alıp qaytalar. Başqortstan xärbilären häm alarnıñ ğäilälärenä sotsial yärdäm kürsätü idarälege xäzmätkärläre tırışlığı belän yeget dezertir dip iğlan itelmi. Ul xezmäten Başqortstanda däwam itäçäk. Ä anı satuçı qäpitän Aleksandr Tereşçuq östennän cinayät eşe açılğan.
