Accessibility links

җомга, 9 декабрь 2016, Казан вакыты 14:41

"Moldovada tatar bulu bik awır"


Moldovadan Başqortstanğa kilgän Röstäm Äxsänov şulay dip belderde. Anıñ respublikağa kilü säbäbe - ike qıznı Ufanıñ islam institutında uqıtuı belän bäyle.Röstäm Äxsänov Kişinevta yäşi häm «Tuğan tel» oyışmasın citäkli. Oyışma millättäşlärebezgä xäyriä yärdäme kürsätü, tel häm din sabaqları birü belän şöğellänä. Äxsänov süzlärenä qarağanda, oyışmağa kön dä distägä yaqın keşe kilä, ä yal häm bäyräm könnärendä alar yözgä citkän könnär dä bulğalıy.1989nçı yılğı xalıq sanın alu mäğlümatları buyınça, respublikada öç meñnän artıq tatar yäşi. «Tuğan tel» qarşında milli kitapxänä eşli, anda 600dän artıq kitap tuplanğan. Röstäm Äxsänov Moldovada islam dine tıyıluın da ireşterde. Anıñ süzlärenä qarağanda, respublikada ber genä mäçet tä yuq, ul ğına da tügel, xätta cıyılıp namaz uqu öçen dä ezärlekläwläre mömkin. Ul monıñ öçen berniçä tapqır qulğa alınıp, tuqmaluın da ireşterde. Äxsänov süzlärenä qarağanda, Moldovada tağın ber tatar oyışması bar. Ul «İdel» dip atala, citäkçese äzerbaycan millätennän - Älber Babayıv. «İdel» tatar mänfäğäte öçen eşlämi, citäkçese respublika külämendä ütkän çaralarda tatar isemennän söyläp yöri. Bezneñ oyışmadan köndäş kürä, xätta yanağan çaqları da buldı»,- di Röstäm Äxsänov. Üzäk diniä näzaräte başı Tälgät Tacetdin Älber Babayıvnı Moldawiä respublikı buyınça möfti itep bilgelägän. Röstäm Äxsänov respublikta räsmi islam dine tıyılu säbäple, dingä bäyle çaralarda möfti kürenmi, üzeneñ artına qaçıp yörüen dä söyläde.

Mönir Wafin, Ufa

XS
SM
MD
LG