Accessibility links

чәршәмбе, 7 декабрь 2016, Казан вакыты 21:20

Mäselman kino festivale "Altın Minbär" Qazanda ütäçäk


Qazannıñ meñ yıllığına bağışlanğan çaralar küp törle . Şularnıñ berse bu yılnıñ sentäbr ayında Qazanda ütäçäk berençe xalıqara möselman kinosı festivale “Altın minbär” bulaçaq. 24 marta Mäskäwneñ RİA Nowosti mäglümät ağentlığında festiwälneñ prezidentı Rawil xäzrät Ğaynetdin häm general direktorı Zawdi Mamirğov qatnaşında matbuğat oçraşuı ütte. Alar festiwäl turında mäglümät birep anıñ maqsatları belän tanıştırdılar. Altın minbär festiwalendä näfis, doqumental häm annimatsiä tasmaları qatnaşaçaq. Altın minbär sını berençe ikençe öçençe urınnarğa birelep, festiwäldä iñ yaxşı rejisser, iñ yaxşı ssenariä, iñ yaxşı xatın qız ,ir-at role, ğomümän, başqa festiwallärdäge kebek urınnar bilgelänäçäk. Matbuğat konferensiäsendä inde eşlängän “Altın minbär” prizı da kürsätelde. Anı sınçı Tahir Söbxanğulov icat itkän. Sınnı taswirlasaq, ul dulqın räweşendä yasalğan kino tasması, dulqın östendä köymä, köymädä minbär süräte. Zawdi Mamirğov ilçeleklär aşa bu festiwäl xaqında , Başqortostan. Tatarstan Mısır, İran, Äzärbaycan häm başqa küp kenä çit illärgä xäbär ittek inde, alardan qatnaşu xaqında rizalıqlar da kilde dip belderde. .Tatarstanğa kilgändä, bu xaqta prezident belän dä söyläşülär bulğan. Tatarstan festiwälne öleşçä matdi yaqtan da teemin itäçäk. Häm festiwäl Qazannıñ 1000 yıllığına bağışlanğanlıqtan sentäbr başlarında Qazanda ütäçäk. Oyıştıruçılarnıñ äytüenä qarağanda festiwäl İdeldä, köymädä ütäçäk. Festiwäl qunaqları da şul köymädä toraçaqlar. Jüridä kemnär bululı äle tägäyen genä açıqlanmağan, ä menä jüri räise tanılğan dramaturg Röstäm İbrağimbeqov bulaçaq. Festiwal öçen inde tasmalar kilä başlağan. Alarnı qabul itü 24 iyülgä qädär däwam itäçäk. Kinofestiwälneñ maqsatın añlatıp, Rawil Ğaynetdin, bez xalıqqa qan qoyusız, köçläwsez bulğan pozitiv tasmalar täqdim itäçäkbez. Festiwal islam dine turında ğına tügel, şuña kürä bez anı Möselman kinofestiwale dip atadıq. Biredä möselman xalıqlarınıñ tormışı, ğoref ğädätläre, anıñ kürenekläre şäxesläre turında bäyän itelgän tasmalar kürsäteläçäk dide, Rawil Ğaynetdin.

Näzifä Kärimova, Mäskäw

XS
SM
MD
LG