Accessibility links

Кайнар хәбәр

Yelsin kiäwe Qazanda säwdä itä


Qazanda 2 aprel' könne Neçkäbil maturlıq bäygese açıla. Bu bäyge iñ äybät äni digän isem astında uzdırıla Häm berençe yıl ğına tügel. Älbättä, tegendi – mondıy bäyge-festivallär belän xäzer xalıqnı şaqqattırıp bulmıy anısı. Tik, Qazannıñ, inde tanılıp barğan “Yujnıy” säwdä üzäge direktorınıñ ir-atlar arasınnan berdänber jyuri äğzası bulıp toruı. Ä ul, Qazanğa küptän tügel genä kilep urnaşqan keşe - Vilen Xäyrullin. Küplär öçen bu isem berni äytmäsä dä, säyäsät dönyasında qaynawçılar öçen qızıqlı şäxes. Rusiäneñ berençe prezidentı Boris Yelsinnıñ berençe kiäwe ul. Yäğni, Yelsin ğailäse xakimiättä bulğanda, şaqtıy säyäsi rıçaglarnı üz qulında totqan Tatyana D'yaçenkonıñ berençe ire. Boris Yelsinnıñ yaratqan onığı dip sanalğan Borisnıñ ätise.

Ul çığışı belän Ufadan. Vilen äfände jurnalistlar belän bik aralaşmasqa tırışa. Şulay da, Azatlıq tıñlawçıları öçen ul äñgämä qorırğa rizalaştı. Tik bügen tügel. Säwdä eşläre belän säfärdä bulğan Vilen Qazanğa qaytqaç uq, Azatlıq xäbärçese belän oçraşırğa rizalığın birde.

“Yujnıy” säwdä üzäge Qazannıñ yaña bistäläreneñ bersendä, yullar çatında urnaşqan. Häm älege urın, Yujnaya trassa dip atala. Bu trassa, yulnıñ Qazan xalqı telendä bik qızıqlı urın sanala- tönge kübäläklär, yäğni seksual' xezmät kürsätüçe qızlar basıp torğan urın.

Vilen, älegä qädär Mäskäwdä yäşägän bulsa da, Qazanğa kilgän. Küçüeneñ säbäben bolay añlata: “ Min Mäskäwdäge ber firmada eşlädem, anda eşlägändä Rusiäneñ öç töbägeneñ bersenä firmanıñ wäkile bulıp baru mömkinlege tuğaç, min Qazannı sayladım, ni disäñ dä, min bit tatar di ul.

Süz başında äytelgän Neçkäbil bäygesenä kilgändä, ul Vilen Xäyrullin citäklägän “Yujnıy” säwdä üzägendä uzaçaq. Anıñ süzlärenä qarağanda, maqsat säwdä üzägen äyber satıp alu urını ğına itep qaldıru tügel, ä ul yal itü urını da bulırğa tieş. Şuña kürä monda, küptän tügel genä kinoklub, djaz klub açılğan. Tanılğan muzıkantlarnı da çaqırırğa niäte barlığın yäşermi.

Zamança säwdäneñ çın yöze şundıy bulırğa, ul keşelärdä barı tik şatlıq xisläre genä tudırırğa tieş di Yelsinnıñ elekkege kiäwe.

Vilenga Qazan oşağan küräseñ. Kiläçäktä Qazanda Xalıqara muzıqa yortın açu, monıñ öçen investitsiälär belän yärdäm itärgä niätlänä.

Räfis Cämdixan

XS
SM
MD
LG