Accessibility links

җомга, 2 декабрь 2016, Казан вакыты 23:05

Aİ: Fälästin xatın qızı konfliktnıñ qıyın yögen kütärä


Xoquq yaqlaw oyışması Amnesty İnternational atnakiçtä iğlan itelgän xisabında fälästin xatın qızı İzrael iminlek köçläre şulayuq üz cämğiäte tarafınnan ezärleklänä dip belderä. Konflikt, Okupatsiä häm Patriarxlıq: xatın qız yökne kütärä dip isemländerelgän xisap, Amnestyneñ xatın qızğa qarşı köç qullanunı tuqtatu kampaniäseneñ ber öleşe bulıp tora.

Xoquq Yaqlaw Oyışması belderüenä kürä okupatsiä astındağı Könbatış Üzäne häm Gaza Sızığında xatın qız arta barğan räweştä İzrael-Fälästin konfliktınıñ qorbanı bulıp tora. Alarnıñ ber öleşe İzrael röxsät birmägän öçen xastaxanägä barıp citä almıy kontrol puktlarında bala tudırırğa mecbür bulsa ikençeläre üz cämğiätlärendä yaqınnarı tarafınnan namusnı saqlap qalu öçen üterelä .Konflikt, Okupatsiä häm Patriarxlıq dip isemländerelgän xisabında Amnesty İnternational xatın qızğa qarşı köç qullanunı beterü mäqsatın quya. Xisapta qotoçqıç çınbarlıq taswirlanğan. İzrael kontrol puktında 50dän artıq bala uramda tuğan. Moña İzrael xärbiläreneñ quyğan çikläwlär säbäp bulıp tora. Xisapta İzrael köçläre fälästin xatın qızın qurqıta , ezärlekli ,qayber fälästin xatın qızı qulğa alındı , irläre, tuğannarınıñ birelüe öçen kisätelde naçar möğämälägä duçar itelde dip äytelä. Aİ öçen İzraeldä tikşerülär alıp barğan Donatella Rovera Yerusalemnnen radiobızğa bolarnı äytte

Rovera(audio)

Okupatsiä astındağı Fälästin territoriäsendä köç qullanu şundıy däräcägä citte ki, xalıq inde üzen ber qayda da imin xis itmi. İrlär, xatın qız bala çağa uramda ğına tügel ä öylärendä dä üterelde ,balalar sıynıflarda üterelde, xatın qız üze öçen ğailäse öçen balaları öçen qayğıra.

İzrael okupatsiäse fälästinnär arasında eşsezlek häm yarlılıqqa säbäp buldı. Şuluq waqıtta fälästin cämğiätendä xatın qızğa qarşı köçkullanu häm diskriminatsiä arttı.

Rovera(audio)

Klassik küreneş, ir at açuın basu öçen xatın qız yaqınnarın ezärlekli, qıynıy. Öydä köç qullanu arttı.

Fälästin xatın qız törkemnäre 1999nçe yıldan birle öydä köç qullanu 150%qa arttı dip belderä. Aİ, dini häm traditsion normalarnı bilgele räweştä täfsilläw xatın qızğa basımnı arttırdı , normalarğa qarşılıq kürsätüçelär isä ğailä namısına tap töşerde dip yaqınnarı tarafınnan üterelä.İzrael quyğan çikläwlär häm citärle bulmağan saqlau mexanizmı qurqınıç astındağı xatın qıznıñ imin urın tabuın qıyınlaştıra.Aİ xisabında irläre konfliktta üterelgän xatınğa yış qına ireneñ tuğannarına kievgä çığuı öçen basım yasala dip yazılğan. Xisap häm İzrael häm dä Fälästin xakimiätlärenä törle kiñäşlär birä. Xisapnı äzerläwçelärdän Donatella Rovera Amnesty İnternational İzraelgä xatın qıznı sälämätlek saqlaw häm uquın tuqtatqan çikläwlärne beterergä çaqıra Ul şulayuq fälästin yortların cimerü tuqtatılırğa tieş di

Rovera(audio)

Okupatsiä astındağı territoriädä sivil xalıqnıñ yaxşı yäşäwe öçen cawaplı bulğan izrael xakimiätlärenä berençe itep , bigräk tä xatın qızğa bik yaman täsire bulğan çikläwlär tuqtatılırğa çaqırıla. Üz xakimiäten uranaştırırğa tırışqan fälästin citäkçeläre xatın qızğa yardäm itkän struktura häm mexanizm buldırırğa tieş.Alar xatın qıznı diskriminatsiälägän qanunnarnı üzgärtü kebek ozın möddätne küzdä totqan çaralar kürergä tieş.

Rovera xatın qızğa qarata köç qullanunı tuqtatu öçen xalıqara cämäğätçelek İzrael häm Fälästin xakimiätlärenä basım yasarğa tieş dip östi. färidä xämit
XS
SM
MD
LG