Bügen Ğiraqnıñ tönyağında ike intihar höcüm näticäsendä kimendä 7 keşe häläq buldı. Şartlatqıç tutırılğan maşinanıñ berse Kirkuk tiräsendäge tikşerü qapqası yanında şartlağan. Anda 5 keşe häläq bulğan, 14-e yaralanğan. İkençe intiharçı üzeneñ maşinasın Sammarada, xärbi patrul yanında şartlatqan. Anda ike xärbi häläq bulğan. Şulay uq bügen Ğiraqta bulğan bäreleşlärdä ike amerikan xärbie häläq bulğan, berse Bağdadta, ikençese Mosulda. Ul arada Äl-Cäzirä televideniese Ğiraqta xäbärsez yuğalğan 3 Rumın jurnalistınıñ süräten kürsätte. Alar öçen älegä aqça soralmağan.
