Accessibility links

сишәмбе, 6 декабрь 2016, Казан вакыты 08:59

Şiğriät bäyräme başlandı


Başqortstannıñ Bäläbäy rayonında «İlham çişmäläre – 2005» şiğriät bäyräme başlanıp kitte. Yıl sayın yaz başında oyıştırıluçı şuşı matur mädäni çara bıyıl da şağirlär, yazuçılar, jurnalistlar häm artistlar qatnaşlığında baytaq tantanalı oçraşular belän uzaçaq.

Başqortstannıñ tanılğan icat häm sänğät ähellärennän tış, Bäläbäy rayonındağı häm şähärendäge bäyrämgä Tatarstan belän Çuaşstannan da qunaqlar çaqırılğan. Bäyrämgä kilüçelär rayonnıñ Nadejdino awılında Aqsaqovlar ğäiläseneñ yort-muzeyenda, Ösän-İwanovqadağı tarixi-mädäni üzäktä, Bäläbäy şähäreneñ pedağoğiä kölliätendä, awıl xucalığı, maşina tözüçelär texniqumnarında häm başqa istälekle urınnarda bulaçaq.

Şiğriät bäyräme barışında, här yıldağıça, bıyıl da dürt teldä:rusça, başqortça, tatarça häm çuaş telendä näşer itelgän çirattağı «Salawat küpere» kümäk cıyıntığınıñ isem tuyın ütkärü dä qaralğan. Şuña östäp, biredä bäyräm açıluğa turı kiterep, balalar icatına bağışlanğan «Qäläm sınaw» isemle kitap ta dönya kürde, anıñ da isem tuyı bula.

Bäläbäy töbägendäge «İlham çişmäläre» bäyräme şimbä könne dä däwam itäçäk.

XS
SM
MD
LG