Accessibility links

шимбә, 3 декабрь 2016, Казан вакыты 07:39

Komissiä xisabı Ğıraq turında yalğış mäğlümät birgän AQŞ küzläw idarälären reformalarğa çaqıra


Bilgele bulğança Ğıraqta küpläp üterü qoralları tabılmadı. İke partiä äğzalarınnan torğan komissiä ber yıl buyı alıp barğan tikşerülären tämamlap prezident G.Bushqa AQŞnıñ küzläw mäğlümäte cıyu eşenä zur üzgäreşlär kertergä kiñäş itte. Komissiä Ğıraq suğışına kitergän zur xatalarğa işarä itep bu problemalar äle dä bar dip dip belderä.

Komissiä ber yıl däwam itkän tikşerülärdän soñ suğıştan elek Ğıraq qoralları turındağı küzläw mäğlümäte tulısınça yalğış digän näticägä kilde dip belderä üz xisabında. Komissiäneñ bik küp reforma kiñäşläre arasında G.Bushnıñ Kongress röxsäte bulmıy da ğämälgä quya alaçaq üzgäreşlär bar. Berse prezidentnıñ Ğomum Däwlät küzläw idaräse koordinatorı itep bilgelägän John Negroponteneñ küzläw idaräläre arasındağı bäxäsne üze çişü avtoritetına ireşüne garantiäläw . Elek BMO häm Ğıraqta ilçe bulıp torğan J.Negroponte yaña wazıyfasına başlaw öçen senat raslawın kötä . Prezident G.Bush xisaptağı näticälär belän kileşüen belderde

G.Bush(audio)

Komissiäneñ birgän mäslixätlär mantıqlı häm bik möhim. Üzäk urında torğan fikerne min urtaqlaşam- Amerikanıñ küzläw idaräläre 21nçe ğasırdağı qurqınıçlarğa qarşı toruıbız öçen nigezle räweştä üzgärtelergä tieş.

Prezident üz fikern beyan itep kitte. Jurnalistlarnıñ sorawlarına komissiä citäkçeläre cawap birde. Citäkçelärneñ berse pensiädäge xakim Laurence Silberman ul Respublikan partiäse äğzası. İkençese opozitsiädäge Demokratlarnıñ pensiädäge senatorı Charles Robb.Jurnalistlarnıñ berençe sorawı mondıy buldı. Niçek itep AQŞ küzläw idaräse şundıy yalğış qararğa kilde :xäzer bärep täşerelgän Ğıraq prezidentı S.Xösäin bik zur biologik häm ximik qorallar arsenalına iä häm atom programmasın täräqi itterä. Bu ike yıl elek Ğıraq suğışına qädär G.Bush häm vitse prezident Dick Cheneyneñ töp argumentı ide. Silberman bolay dip cawap birde:

Silberman(audio)

Küzläw İdaräse 1991nçe yılda kürgän närsälärgä nigezlängän faraz täxminnär belän eş itte.

Silberman süzlärençä küzläw idaräläre zäğif dälillärgä nigezläp bik küp farazlar beldergän.Komissiä CİA yäki başqa küzläw analitiklarınıñ çınbarlıqnı bozıp kürsätkän buluına ber nindi dä dälil tapmadıq , küzläw räsmiläre S.Xösäin programması turında üzläre niçek uylasa,ışansa şulay belderde digän näticägä kilgän. Komisiä citäkçese Charles Robb bu turıdağı sorawğa

Robb(audio)

Bez administratsiäneñ äğzası yäki başqa beräw analitik yä isä küzläw idaräläre belän bäyläneştä torğan beräwgä alğan pozitsiälären üzgärtü öçen möräcäğät yäki nindider qanunsız täsir yasau tırışlığı buldımı digän eşne bik centekläp tikşerdek häm ber närsä dä tapmadıq.

Komissiä xisabında AQŞ küzläw idaräläreneñ eşläwen yaxşırtu öçen bik küp kiñäşlär birelä häm ütkändäge problemalarğa qağıla. AQŞ küzläw idaräläreneñ ağımdağı qurqınıçlar ayrım alğanda atom qurqınıçı turında bik az belüe anıñ zäğif yağı bulıp tora dielgän. Robb gäm Silberman T.Korea häm İrannıñ atom programması turındağı sorawlarğa cawap birmägän. Mäğlümät yäşren. Komisiä raportı bik qızıqsınıp kötelde , Xisap, atnalarça amerikan cämäğätçelegen mäşğül itkän Terry Schiavonıñ ülemennän bıraz elek bilgele bulsa da, Schiavo şunduq kiñ küläm mätbuğat çaralarında in yuğarı urınğa kütärelde . G. Bush ta küzläw idaräläre turındağı xisapqa qarata fikrelären beyan itkän çığışın T.Schiavonıñ üleme xaqında belderü belän başladı färidä xämit
XS
SM
MD
LG