Accessibility links

җомга, 9 декабрь 2016, Казан вакыты 16:36

Feliks Kulov Qırğızstannıñ yaña prezidentı itep saylanırğa äzer buluın äytä


Bişkäk. Ul arada Feliks Kulov, qırğız oppozitsiäseneñ başqa ber kürenekle wäkile, bügen, ägär dä ilneñ Yuğarı mäxkämäse anı törmägä xökem itkän qararnı köçtän çığarsa, üzeneñ prezidentlıq yarışında qatnaşırğa äzer toruın xäbär itte. Kulov törmädän uzğan atnadağı kütäreleş waqıtında azat itelgän ide. Törmägä isä ul 2000-nçe yılda, xärämläşülär, aqça üzläşterü häm eşen yawız maqsatlarda qullanuda ğäyeplänep yabıldı. Zamanında Bişkäkneñ xakime, vitse-prezident bulğan häm ilneñ iminlek şurasın citäklägän Feliks Kulov üzen Aqayev xakimiate tarafınnan säyäsi maqsatlardan çığıp ezärleklänüen qabatlap kilde. Qırğızstanda prezident saylawları yünneñ 26-sına bilgelängän.

XS
SM
MD
LG