Accessibility links

шимбә, 3 декабрь 2016, Казан вакыты 22:42

"Freedom House" oyışması dönyadağı iñ zalim xakimiatlär isemlegen bäyän itte


Jeneva. "Freedom House" oyışmasınıñ dönyadağı iñ qırıs xakimiatlär isemlegen bäyän itüe uñayınnan anıñ matbuğat wäkile Michael Goldfarb "Azatlıq" radiosına, şundağı 6 il bügenge köndä Berläşkän Millätlärneñ keşe xoquqları komissiäsendä äğza bulıp tora dip belderde. Ul bu uñaydan Qıtıynı, Kubanı, Eritreäne, Söğüd Ğäräbstanın, Sudannı häm Zimbabvene atadı. Goldfarb süzlärençä, alar BMO komissiäseneñ asıl maqsatın qaqşatu eşen alıp bara. "Keşe xoquqların çın mäğnäsendä yawızlarça bozğan illär üzlären Berläşkän Millätlärneñ keşe xoquqların saqlawnı küzätep baruçı berdänber xäyätenä saylatıp quyğan. Häm alar xäzer bergäläşep üzlären xökem itkän qararlar qabul itügä qarşı eş alıp bara" di "Freedom House" oyışması wäkile Michael Goldfarb. Oyışma bäyän isemlektä, dönyanıñ iñ zalim illäre arasında Belarus'ne, Törkmänstannı, Üzbäkstannı häm Rusiä öleşe dip bilgelängän Çeçnäne dä kürep bula.

XS
SM
MD
LG