Harare. Zimbabve saylawlarında qatnaşqan oppozitsiä häm çittän kilgän xalıqara küzätüçelär tawış birüneñ kiñküläm xärämläşülär belän baruı xaqında belderä. Oppozitsiädäge Demokratik üzgäreşlär xäräkäteneñ citäkçese Morgan Tsvangirai, xakimiatneñ tırışılqların "cirängeç, kiñküläm xärämläşülär" dip atap, xalıqnı ildäge demokratiäne yaqlarğa çaqırdı: "Min Zimbabve xalqı üzeneñ saylaw xoquqın häm üze saylağanın yaqlarğa tieş dip belderäm" di oppozitsiä citäkçese. Britaniäneñ tışqı eşlär ministrı Jack Straw bügen bu uñaydan, Zimbabve prezidentı Robert Mugabe yänä üz watandaşların irekle wä ğädel tawış birüdän mäxrüm itte dip belderde. Xakimiat şuşı saylawlarnı yaqtırtqan berniçä çit il xäbärçesen dä totqarladı.
