Accessibility links

пәнҗешәмбе, 8 декабрь 2016, Казан вакыты 07:08

Vatican papanı saylağanda Katolik traditsiälärenä zur iqtibar birä


Papa Yohan Paul İkençeneñ vafat buluı belän Rim çirkäwe atnalarça citäkçesez. Rim katolik çirkäweneñ yaña papanı saylawı nıq traditsiälärgä bağlanğan. Häm bu traditsiälär papanıñ vafatı belän şunduq köçkä kerde

Şimbä kiç Vatikandağı fatirında vafat bulğan papanıñ mäyete bügen Vatikan sarayında quyıldı din häm däwlät räsmiläre,çit il diplomatları bügen papağa sonğı xörmätlären kürsätsä , düşämbedä anıñ mäyete İzge Peter bazilikasına küçerelä häm xalıqqa anıñ ruxına ğıybadät, xörmät kürsätü mömkinçelege birelä. Düşämbedä Kardinallär Şurası cıyıla häm Johan Paulnıñ nindi köndä kümeläçägen qarar birä. Papa öçen matäm möddäte 9kön . Kiläse atnalarda çirkäw citäkçesez . Papanıñ ülemennän soñ 15 yäki 20 könnän qalmi kardinallär şurası yaña papanı saylaw öçen cıyıla . Georgetown Universitetı teologiä departamentı citäkçese prof.Chester Gillis J.Paul, urınına kiläçäk papanıñ anıñ prinsıplarına yaqın buluın garantiäläw öçen küp närsä eşläde ,şulsanda kardinallär şurasınıñ zur öleşen dä bilgeläde di.

Gillis(audio)

Sonğı çiktä ul urınına kiläçäk şäxeskä tawış biräçäk keşelärne bilgeläde.Bu ğädättän tış küreneş.Çönki normaldä eleke papalardan närsäder qala. Ä bu üz ideologiesenä yaqın keşelärne saylap üz faydasın qayğırttı.

Kardinallär yaña papanı saylaw waqıtında tışqı dönya belän elemtälären özä,izolatsiädä toralar Alar xätta , telefon televidiniä, komputyor kebek cihazlardan da yıraq tora. Kardinallär här irtän häm töştän soñ 2 märtäbä yäşren tawış birä. Bu eş beräwneñ öçtän ike küpçelek tawış alğançı däwam itä. Här uñışsız tawış birü qarar töten çığaru belän cämäğätçelekkä bilgele bula. Vatikannıñ mörcäsennän aqtöten çığuı belän papanıñ saylanğanı bilgele bula. Saylanğan şäxes wazıyfanı qabul itsä, kardinallär başlığı Vatikan balkonına çığıp ''habemus Papam'' papa saylandı dip qıçqıra.Gillis qaraşınça älege kardinallär şurasınıñ zur öleşe J.Paul tarafınnan bilgelängän bulsa da , yaña papanı saylağanda alarnıñ mönäsäbäte turında aldan äytü qıyın di.

Gillis(audio)

Minemçä bu kardinallärneñ kübeseneñ çirkäwgä qaraşı konservativ.Ämma bälkim dä alar eçendä sotsial ethik mäsälälärgä liberal, agressiv qaraşlıları bardır . Şulay da min alarnıñ zur öleşe J.Paul kebek uylıy digän qaraşta .Eleke papağa bäyläneşe bulmağan beräw saylansa närsä bulır belmibez.

Gillis törle papa namzätläre turında uylaw waqıt yuğaltu ğına di .Tarix ta şunı kürsätä. Misal öçen Karol Woityla papa bulıp saylanır dip ber keşe dä uylamağan ide. Çirkäw tarixında ul berençe poläk pop ide. Rim çirkäwe bu märtäbä bälkim dä Afrika, Aziä yäki Latin Amerikadan beräwne papa itep saylar. färidä xämit
XS
SM
MD
LG