Accessibility links

якшәмбе, 4 декабрь 2016, Казан вакыты 19:32

Qırğızstan: eleke prezident A.Aqayev räsmi räweştä çigende


Düşämbedä Qırğızstannıñ bärep töşerelgän prezidentı A.Aqayev räsmi räweştä postınnan kitte. Bu adım ,24nçe marta xakimiätne elektäregän opozitsiädäge bilgesezlekne betersädä, küp kenä analitiklar qaraşınça bälkim dä Akayevneñ çigenüe yaña problemalarnıñ başlanğıçı ğına bulıp tora.

Düşämbedä A.Aqayev postınnan kitte

Aqayev(audio)

Kileşüneñ berençe punktında Qırğız respublikası prezidentı möddäte tulğançı wäqälätlärennän wazkiçüen belderä

Parlament citäkçese Omurbek Tekebayev citäkçelegendäge parlament komissiäse yäkşämbedä Mäskäwgä kilep Aqayev belän kileşügä ireşte. Komissiä äğzası Temir Sariyev süzlärençä Aqayev çigenüe belän ilneñ konstitutsion krizisı tamamlana. Komissiä Bişkäkkä qaytıp mäsälä parlament utırışında tikşereläçäk. Aqayevneñ çigenüe raslanğannan soñ Qırğızstanda prezident saylawları öçen waqıt bilgelänä, Qırğızstan konstitustiägä häm xalıqara normlarğa kileşle xäräkät itäçäk. Ämma küp kenä küzätüçelär Aqayevneñ çigenüe bälkim yaña problemalarnıñ başlanğıçı bulıp tora digän qaraşta . Mäskäwdä Xalıqara Mönäsäbätlär İnstitutında profesor Sergei Luzyanin sonğı kileşügä qaramastan Aqayev tulı imunitetqa iä bulır mikän di

Luzyanin(audio)

Mäskäwdä imza itelgän dokument 100% garantiä birmi.Ul wazğiätne älege çınbarlıqqa yaraqlaştıru öçen säyäsi häm xalıqara xoquqi adım ğına bulıp tora .Aqayev bu adımnı närsäder qazanu öçen atladı. Ä parlament speakere citäkçelegendä kilgän wäkilçelekkä kileşü bik tä kiräk ide, çönki alarğa legitimlıq kiräk, alar legal qısalarda saylawlar ütkärä alaçaq.Minemçä qul quyılğan dokument Aqayevnıñ iminlegen 40% qına garantiäli.

Qırğızstannıñ yaña citäkçelege Aqayev ğailäseneñ eşmäqärlegen tikşeräçägen häm ägär dä eleke prezident qanunnarnı bozğan bulsa anıñ legal imunitetın yuğaltaçağın häm bälkim dä cazalandırılaçağın belderep quydı. Rusiä belän Qazaxstan kileşüneñ şulsanda eleke prezidentnıñ iminlegene garantiälilär.Luzyanin Kreml Aqayevnı yaqlar häm aña säyäsi sıyınu xoququ da birer dip äytte.Läkin Bişkäktä Qırğız Universitetı säyäsi fännär profesorı Aalybek Akunov monıñ belän kileşmi

Akunov(audio)

Bezneñ konstitutsiä häm qanunnarğa kürä Rusiäme Qazaxstanmı ber genä çit il dä bezneñ eçke eşlärgä qatnaşa almıy.Alarnıñ ber nindi xoququ yuq. Minemçä Mäskäwdä ireşelgän kileşü säyäsi deklaratsiä genä, anıñ bernindi xoquqi nigeze yuq.

Aqayev çigende. Ämma küp kenä belgeçlär xäzer säyäsi partiälär häm säyäsmennär arasındağı köndäşlek kiskennäşäçäk dip qarıy. Alarnıñ berse

Luzyanin(audio)

Ar-Namus partiäse citäkçese Feliks Kulov belän waqıtlı prezident, premyer Kurmanbek Bakiyev arasında kiskennäşä barğan konfrontatsiä problema bulıp tora. Annan başqa yaña qırğız citäkçelegendä küp kenä säyäsätçelär prezidentılq urını öçen yarışaçaqların belderde.Ämma töp problema, krizis öçen potensial häm bälkim dä Kulov berdänber citäkçe bularaq xakimiätne elekterer Başqa täräqiätlär yaña citäkçelekneñ säyäsi teläklärennän bağlı bulaçaq. İn möhime Qırğızstannıñ yaña citäkçeläre 24nçe marttan elek xalıqqa iqtisad turında birgän wäğdälären üti alaçaqmı färidä xämit
XS
SM
MD
LG