Accessibility links

Кайнар хәбәр

"İlham çişmäläre" şiğriät festivale tämamlandı


1-2nçe aprel könnärendä Bäläbäydä traditsiägä kergän «İlham çişmäläre» şiğriät festiwale bulıp ütte. Şiğriät festiwaleneñ Gran-pri yäş şağir Mönir Kunafınğa birelde. Fatix Kärim premiäse dürt keşegä : Rif Toyğınov, Färit Sufiärov, Denis Äxmäcanov häm Waleriy Turğaylarğa birelde.Çarada Çuwaşstan häm Tatarstan qunaqları da qatnaştı.Tatarstannan Tatarstan Yazuçılar berlege räise Foat Ğälimullin häm şağir Nur Äxmädievlar kilgän ide.Elekke yıllarda uzğan festiwällärdä Fatix Kärim büläge Tatarstan şağirlärenä dä birelä ide.Uzğan yılnı çarada Tatarstannan berkem dä qatnaşmadı. Bıyılğı festwäldä Tatarstan şağirlärenä premiä birelmäde.Bu soñğı yıllarda mönäsäbätlär salqınayuğa bäyle.Tatarstan qunaqlarınıñ kilüe qäläm ähelläre arasında bağlanışlarnı üsterergä yärdäm itär dip kötelä.Tatarstan Yazuçılar berlege räise Foat Ğälimullin aldağı yılda bulaçaq festiwälgä nıqlap äzerlänäçäklären belderde. Aldağı yılda sanı buyınça 10nçı festival bulaçaq.

Mönir Wafin , Ufa
XS
SM
MD
LG