Söğüd Ğärabstanınıñ eçke eşlär ministrlığı äytüençä, Söğüd iminlek köçläre yäkşämbe könne atış waqıtında äl-Qaidä suğışçıları dip şiklänelgän 7 keşene ütergän.
Ministrlıq äytüençä, bu atış waqıtında berniçä iminlek xezmätkäre yaralanğan.
Atış yäşkämbe könne Söğüd Ğärabstanı başqalası Riadtan 355 çaqrım tönyaq-könbatışta är-Rasta başlanğan.
Däwlät televideniese belderüençä, iminlek köçläre anda çistartu eşlären däwam itä.
Soñğı ike yılda Söğüd Ğärabstanında küp kenä intixarçı şartatuları, keşe urlawlar häm atışlar buldı. Monıñ öçen äl-Qaidä häm aña bäyle suğışçılar ğäyeplänä.