Accessibility links

якшәмбе, 4 декабрь 2016, Казан вакыты 23:26

Papa İoann Paul İkençe elekke SSSRda möselmannar arasında da abruy qazandı


İonn Paul İkençe Qor''änne üpkän häm mäçetkä kergän berençe papa bulıp tora.Ul şulayuq İzrael häm yähüd törkemnäreneñ tänqitlärenä qaramastan Fälästin citäkçese Y.Arafat häm Yordaniä patşası Abdulla belän oçraştı.İonn Paul dinnär arasında dialog urnaştrıunı qıyulandırdı Ul möselmannar küpçelektä bulğan Azerbaycan häm Qazaxstanda buldı. Kommunizmğa qarşı toruı belän ul eleke Sovetlar Berlegendä dä popularlıq qazanğan şäxes. Vaticanda xäzer kem genä papa bulıp saylanmasın aña üzennän eleke citäkçeneñ popularlığına ireşü qıyın bulaçaq .

2001nçe yılnıñ sintäberendä Qazaxstanğa häm 2002nçe yılnıñ may ayında Azärbayçanğa barğan İonn Paul möselmannar küpçelektä bulğan eleke sovet respublikalarına vizit yasağan berençe papa buldı. Astanada meñnnäçä keşe qatnaşqan yolada qazaq ğalime, şağir Abay Qunanbaydan qazaqça mondıy sitat kitergän ide.

Papa( audio) keşe möhäbätne yärägeneñ türendä taba, bu olı täñreneñ eşe ''söyü logikası'' ike dinne yaqınlaştıra ala, dinnär ber qayçan da konflikt säbäbe bulmasqa tieş dip söyläde ruxani. İonn Paul Qor''änne üpkän berençe papa bulıp ta tarixqa kerä. Bu waqıyğä 1999nçe yılda Ğıraq wäkilçelegeneñ Vaticanğa säfäre waqıtında buldı. İonn Paul şulayuq mäçetkä kergän berençe papa bulıp tora. Ul 2001nçe ylınıñ mayında Süriä başqalası Damasqta 8nçe ğasırdan qalğan Yaxya päygämbär törbäse dä şunda urnaşqan Omayad camiğıyına başqa möselman din ähälläre belän kergän ide. Ğölema İonn Paulnıñ islam belän xristianlıq arasında dialog urnaştırırğa tırışuın añladı.Misırda al Azhar Universitetında şeyx

Fäwzi Zafzaaf(audio)

hiç şiksez izge papa Vaticanda dönyağa qarata açıqlıq säyäsäte alıp bardı. Minemçä ul Vatican häm başqa xalıqlar belän mönäsäbätlärne täräqi itü mäqsatında küp kenä illärdä bulğan berençe papa.Ul başqa dinnärgä yaqınlıq xis itte häm katoliklar belän möselmannarnı dialogqa qıyulandırdı.

Ämma Germaniädä Heidelberg Universitetı profesorı Raoul Motika süzlärençä papanıñ islam, sivilizatsiälär arasında dialog urnaştıru tırışlıqları ğına möselmannarnıñ iqtibarın cälep itmäde. Anıñ säyäsi qaraşları da möhim ide Ul amerikanmı kem genä başlatmasın suğışqa nıq qarşı keşe ide. İslam dönyası moñı añladı. Äzerbaycan, Qazaxstanda Papanıñ kilüenä keçekenä azçılıq qarşı bulsa da, här ike ildä dä reaksiä uñay buldı. Xökümätlär papanıñ kilüen bäysezlekne tanu dip bäyäläde.Eleke SSSRda İonn Paulnıñ popularlığı anıñ dinnär arasında dialog urnaştıru omtılışına ğına qaytıp qalmıy. Profesor Motika radiobızğa bolay dip äytte

Motika(audio)

Çönki papa kommunistik rejimğa qarşı ide. Polşada kommunitik rejimnıñ cimereklüendä ul töp faktorlardan berse buldı.BDB illärendä opozitsiä anı kommunistlarğa, nomenklaturağa qarşı dus dip qarşı aldı. Menä bu möselmannar küpçelektä bulğan illärdä dä anıñ kilüenä qarşılıq kürsätelmävenä bik möhim komponent bulıp tora.

Dönya yaña papanıñ saylanuın kötä. İonn Pauldan soñ kiläçäk şäxesneñ bigräk tä BDB illärendä popularlıq qazanuı öçen küp tırışuı kiräk Tacikstanda opozitsiädäge islamçı partiä citäkçelärennän Hekmatulla Saifullahzadä süzlärençä(audio) papa cämğiätneñ törle aspektlarına täsir itte. Ul ike din arasında dialog häm xezmätäşlek başlatıp cibärde.Minemçä anıñ tırışlıqların kürüçülär annan soñ kiläçäk papanı da şul suqmaqnı däwam itäçäk dip kötä Bez yaña papa bu yünäleştä kübräk eşlär dip ömed itäbez.

Profesor Motika da,saylanaçaq papa kommunistik il kardinalı bulmayaçaq , monısı bilgele di. İonn Paul quyğan yuğarı moral standartlarnı däwam itterü yaña papa öçen qıyın bulaçaq .Ämma ägär dä ul solidarlıq, ğädellek, demokratik bulmağan rejimnar kebek mäsälälärne kütärep çıqsa ul Üzäk Aziä häm BDBnıñ başqa illärendä popularlıq qazanaçaq dip söyli Heidelberg Universitetı profesorı. färidä xämit
XS
SM
MD
LG