Parijda İran prezidentı Möxämmät Xatami AQŞ citäkçelegendäge köçlärneñ Ğiraqqa kerüen ğäyepläde häm 2001-neñ 11-nçe sintäberendä AQŞ-qa qarşı terror höcümnärenä qızğanıç belderde.
Xatami xalıqlarnı dialog aşa yaqınlaştıru turındağı BMO konferensiäsendä çığış yasadı.
Ğiraq suğışın ğäyepläp ul suğış belän terror ber ük tamırdan çığa dide. Ul şulay uq AQŞqa qarşı 2001-nçı yılğı terror höcümnären iñ terrornıñ dähşätle töre dip atadı.
Parijdağı älege konferensiäne UNESCO oyıştırdı. İran UNESCOnıñ sivilizatsiälär, mädäniätlär häm xalıqlar arasında dialognı nığıtu tırışlıqların yaqlap kilä.
