Accessibility links

шимбә, 3 декабрь 2016, Казан вакыты 03:28

Äzerbaycan belän Tatarstan arasında elemtä özelmäs


Bezneñ radioğa nindi genä mäsälälärne açıqlaw kertergä sorap çıltıratmıylar. Menä älege “Äzerbaycan belän Tatarstan arasındağı elemtäne yaxşırtıp bulmasmı?- digän soraw belän bezgä Qazannıñ Zalesnıy bistäsendä yäşäwçe Gölçirä xanım Taciewa çıltırattı. Anıñ apası-Zöläyxa Maxanova Äzerbaycan respublikasınıñ başqalası Baquda yäşi ikän. Ul aña poçta aşa aqça cibärgän bulğan. Aqça Gölçirä apağa kire äylänep qaytqan. Şul säbäple ul Yudino bistäsendäge poçta bülegenä barıp beleşkän..

Şulay uq Gölçirä apa Tacieva üze turında ğına da tügel, ğomümän Äzerbaycanda yäşägän tatarlar turında qayğırtuın belderde Bez, Gölçirä apa Tacievağa häm anıñ ölkän yäştäge awıru tuğanına yärdäm itü telägennän Qazannan Baquğa aqça cibärü niçegräk tora ikän digän sorawğa cawap ezlädek. Monıñ öçen bez Rusiä Saqlaw Bankısınıñ Yämaşeva uramında urnaşqan ber rayon bülekçäsenä kerdek. Anda eşläwçe kontroler-kassir Aygöl Ziäqäyewa: “Bez xisap belän genä eş itäbez, keşelärneñ öy adreslarına aqça cibärü belän şögellänmibez, sez poçtağa barığız, - dide. Şunnan soñ bez Qazannıñ Volgogradskaya uramında urnaşqan elemtä bülegenä möräcäğät ittek. Läkin bu mäsälägä anda da açıqlıq kertä almadıq. Tatarstannıñ baş elemtä idaräse wäkilläre şunı belderde, .alarğa Äzerbaycan, Üzbäkstan kebek respublikalar belän eşläw, ğomumän, 1999 yılda uq inde tıyılğan bulğan ikän. Tik alar bu xaqta efirğa söylärgä telämädelär., säbäben dä añlata almadılar. Şunnan soñ bez Tatarstan respublikası ministrlığınıñ Qazan şähäre tışqı eşlär häm iktisadıy bağlanışlar bülege räise Şamil' Şamsutdinovqa möräcäğät ittek. Ul Qazanda Puşkin uramında Uniks yanında Akibankta urnaşqan Western Union Kompaniäse eşläwen äytte. 130 yıllıq eş täcribäse bulğan Western Yunion Kompaniäseneñ Akibanktağı iminlek xezmäte inspektorı Danil Zinçenqo Azatlıq radiosına şundıy mäğlümat birde.

“Zamança yaña texnologiälär belän komp'yuterlar aşa eşçänlegen dön'yaküläm däräcäsenä citkergän 170 meñ bülekçäse bulğan Amerikanıñ Western Union Kompaniäse aşa aqçalarnı yaqın häm yıraq çit illärgä cibärep bula. Bu kompaniä aşa äytik Azerbaycan, Ärmänstan, Belorussiä, Gruziä, Qazaqstan, Qırğızstan, Moldova, Tacikstan, Törekmänstan, Üzbäkstan Ukraina kebek illärgä 100$ yäki annan azraq aqça cibärgändä, tarif çeltäre 6$ bulsa, yıraq çit illärgä cibärgändä şul uq summağa 15$ tülärgä kiräk. Bu kompaniädän şulay uq yaqın çit illärgä aqça cibärgändä, äytik, şul uq Azerbaycanğa cibärgändä dä 8 minutlıq tüläwsez,. telefon kartoçkası birelä”,- dip añlattı Danil Zinçenko. Şulay itep, Gölçirä apa Tacieva , sez mäsälän, Qazannıñ Puşkin uramında Uniks yanına urnaşqan Western Yunion kompaniäsenä kilep, tuğanığız Zöläyxa apağız belän buşqa telefon aşa söyläşep, anı tuğan köne belän qotlap, aña Azerbaycanda sçet açtırmıyça da, tik kontrol' nomerın ğına aña belderep aqçağıznı 5 minut eçendä cibärä alasız. Äzerbaycanda yäşägän apağızğa bu turıda şul uq waqıtta xäbär itäçäklär. Häm ul üzeneñ pasportı belän genä dä sez cibärgän aqçanı ala alaçaq.. Mälikä Basıyr

XS
SM
MD
LG