Accessibility links

якшәмбе, 11 декабрь 2016, Казан вакыты 01:21

Tatar jurnalistika bülege niçek yäşi ?


“Şähri Qazan” gäciteneñ yäşlär säxifäsendä tatar jurnalistika bülege studentı Gölnur Şäymullinanıñ “Tatar bulu xurlıqmı ?” digän yazması basılıp çıqtı. Ğolnur yaña yıl aldınnan zaçetlar birgändä fän iäseneñ «Tatarlarnı qabul itmim» — dip tatar jurnalistikası bülege studentlarınıñ rus uqıtuçısınnan zaçet ala almıyça köne buyı auditoriä işek töbendä tilmergännäre turında yaza. Xäzer tatar buluıbız öçen xurlanırğa tieşme bez dip özgälänä mäqälä avtorı. Sessiä waqıtlarında küñelsez oçraqlar bulu ber xäl, ä şul uq bülektä uquçı häm uqıtuçı möğallimnärdän Mäskäw qararı belän tatar telendäge fännär betereläçäk, rus jurnalistikası ğına qalaçaq digän imeş - mimeşlär işetelüe tatarlarğa qarata bulğan tiskäre qaraşqa citdieräk qararğa etärde.

Bıyıl tatar matbuğatı 100 yıllıq yubilien qarşılarğa äzerlängändä bu ikele— mikele fikerlär urınlımı, tatar jurnalistikası bülegendä tuğan telgä qarata tiskäre fikerlär çınlap ta barmı? Mä’sälägä açıqlıq kerter öçen filologiä fännäre doktorı, professor, Qazan däwlät universitetınıñ jurnalistika häm sotsiologiä fakul'tetı dekanı Wasil Ğarifullinğa möräcäğät ittek:

Tatar milläten, mädäniäten dä üzäktän torıp qına berkemdä qısqarta almıy. Tuğan telenä tiskäre mönäsäbät bulsa, ruxi dönyasın üsterergä teläge bulmasa, menä ul anı üze üteräçäk. Ägär ul tatar matbuğatına yazılmıy ikän, yazdırmıy ikän, bu oçraqta älbättä waqıtlı matbuğatka yäşäwe qıyınlaşa. Moña bernindi Mäskäw kiräkmi, tatar tele ülsä – tatar matbuğatı dä üläçäk, tatar tele çäçäk atsa – matbuğatta çäçäk ataçaq. Bügenge köndä tatarnıñ ruxi dönyası nindi bulsa, matbuğatı dä şundıy xalättä.

Ä tatar jurnalistikasında jurnalistikağa qağılışlı fännärne tatar telendä uqıtu mäsä'äläse xaqında Wasil äfände bolay dide;

90 yıllar da bez maxsus kafedra açtıq, tatar jurnalistikası bülege. Şuşı hönärgä bäyle fännärne tatarça uqıtuğa küçtek, küçerä başladıq. Älbättä, kiñäytergä mömkin bulır ide, läkin cäyelep kitep bulmıy. Bez 90 yılda ireşkän qazanışlarıbıznı totıp qala alsaq, jurnalistika ostalığı, tatar jurnalistika bülege tarixı, stilistika, ritorika, ğomumän jurnalistikağa qağılışlı fännär buyınça uqıtunı şulay däwam itä alsaq min moña bik şat bulır idem

Tatar jurnalistikası studentları arasında tuğan imeş - mimeşlärgä professor çik quysa da, axırğı süzlären:“Tatar tele ülsä – tatar matbuğatı dä ülä, tatar tele çäçäk atsa – tatar matbuğatı dä çäçäk ataçaq ! - dip yomğaqladı.

Röstäm İsxaqi

XS
SM
MD
LG