Accessibility links

чәршәмбе, 7 декабрь 2016, Казан вакыты 19:24

Qırğızstanda oppozitsiä citäkçese Kulovqa 2 ğäyepläwneñ berse ğämäldän çığarıldı


Qırğızstan Yuğarı mäxkamäse kürenekle oppozitsiä citäkçese Feliks Kulovnı 2001-nçe yılda törmägä yabarğa nigez bulğan 2 ğäyepläwneñ bersen ğämäldän çığardı. Mäxkamä Kulov Qırğızstan iminlek xezmäten citäklägändä wazıyfasın yaman maqsatta qullanğan digän ğäyepläwne nigezsez dip taptı. İrtägä bu mäxkamä Kulovqa qarata ikençe ğäyepläwne ğämäldän çığaru turındağı möräcäğätne qararğa cıyına. Anısı Kulov Bişkäk merı bulğan çorda anıñ aqça israf itüe turındağı ğäyepläw. Är-Namus säyäsi partiäsen citäkläwçe Kulov bu ğäyepläwlär artında säyäsät tora dip täqrarlap kilde, häm bügenge mäxkamä qararına qänäğätlek belderde. Elegräk Kulov üzenä qarata ğäyepläwlär ğämäldän çığarılğan oçraqta prezident saylawlarında namzät bularaq qatnaşırğa cıyınuın beldergän ide. Bügen Qırğızstan parlamentı bärep töşerelgän prezident Askar Akayevnıñ xakimiättän kitü turındağı qararın qabul itü-itmäw mäs'äläsen qarawnı kiçekterde. Baştaraq ul sişämbegä bilgelänep inde kiçä dä kiçekterelgän ide.

XS
SM
MD
LG