Accessibility links

чәршәмбе, 7 декабрь 2016, Казан вакыты 21:27

İkegä bülengän Kaşmirnı totaştıruçı berençe aftobus yulçılarına höcüm buldı


Bügen Kaşmirnıñ Hind häm Paqstan yağına bülengän öleşläre arasında yörüçe aftobus yulçılarına suğışçılar höcüm itkän. Hindstan xakimätläre älege aftobus elemtäse höcümgä qaramastan planlaştırılğança qalaçaq dip belderde. Kaşmirnıñ Hind öleşe başqalası Srinagardan Paqstan öleşe başqalası Mözäffar-abadqa kitüçe aftobbusqa utıru öçen aftovokzalğa cıyılğan yulçılarğa höcüm bulğan. Bu soñğı 60 yıl çaması çorda berençe märtäbä Kaşmirnıñ ikençe öleşenä kitärgä cıyınğan aftobus ide. Qorallı keşelär aftovokzal binasına bärep kerep ut açqan häm binağa ut törtkän. Politsiä äytüençä, höcüm itüçelärneñ ikese üterelgän häm soñraq barlıq yulçılarnıñ da iminlege tä'min itelgän. Paqstan häm Hindstan räsmiläre bu höcümne ğäyepläp çıqtı.

XS
SM
MD
LG