Accessibility links

шимбә, 10 декабрь 2016, Казан вакыты 02:12

Rusiä prezidentı Putin Qırğızstanda wäzğiät tizdän totrıqlaşır dip isäpli


AUDİO: Bez qırğızstanda wäzğiät totrıqlaşır häm bu il yaqın arada xoquqıy däwlät xakimiäte oyışmalarına häm xökümätkä iä bulır dip ömetlänäbez. Bez Qırğızstan parlamentı belän häm normal'läşterü protsesında qatnaşuçı başqa kollegalar belän elemtädä torabız häm bez Qırğızstanda wäzğiätne totrıqlılaştıru eşendä yardäm itärgä äzer.

Monı ul Soçida Taciqstan prezidentı Emomali Raxmonov belän oçraşudan soñ äytte. Raxmonov Qırğızstan üzendäge säyäsi wäzğiätkä tınıç häm xoquqıy yullar belän çişeleş tabır dip ömetlänüen äytte. Putin belän Raxmonovnıñ säwdä häm iqtisadıy elemtälär, şulay uq Bäysez Däwlätlär Berdämlegendäge reformalar turında söyläşkänlege xäbär itelä. Düşämbe könne Soçida Putin belän Belarus prezidentı Aleksandr Lukaşenko BDBnı reformalaw kiräk dip belderde.

XS
SM
MD
LG