Accessibility links

якшәмбе, 4 декабрь 2016, Казан вакыты 21:28

Qazan katolikları İoan Paul II ruxına doğa qıldı


7 april könne, Qazan katoliklar oyışması İoan Paul II neñ ruxına bağışlap, dini uqu ütkärde. Katoliklar cämğiäte başlığı Deogenes Valentin Urkiza xäbär itüençä, Qazanda 300läp katolik yäşi, berençe iskä alu çarası, papanıñ ülüe turında xäbär kilgännän soñ, 3 aprel könne uzğan. «Azatlıq» belän söyläşkändä, Deogenes äfände, çirkäw başlığınıñ bu dönyadan kitüen zur yuğaltu dip sanawın häm papanıñ atalarça yaratqanın sizep yäşäwen añlattı. Deogenes Valentin Urkiza papa belän üze oçraşu bäxetenä iyä bulğan. Soñğı tapqır ul anı Rimda, yıl yarım elek kürgän ikän häm xäzer dä, papa turındağı istäleklären küñelendä saqlıy. Tatarstanıñ elekke parlament başlığı Vasliy Lixaçev ta, bu atnada bulgan konferensiädä İoan Paul II nçe belän oçraşu mizgellären iskä aldı. Anıñ süzlärençä, Tatarstan wäkillären kilde dip tanıştırğaç, papa, 50nçe yıllarda, İdel buylap säyäsät itep, yal itüen iskä töşergän bulğan. Vasiliy Lixaşev, şulay uq, papanıñ yöräge tibüdän tuqtawğa qayğısın belderde. İnde xäbär itüebezçä, Qazan gäzitlärendä, Mintimer Şäymievnıñ belderüe häm Kamil İsxaqovnıñ da, papanı sağınuı turında süzläre dönya kürde.

Bikä Timerova.

XS
SM
MD
LG