Accessibility links

чәршәмбе, 7 декабрь 2016, Казан вакыты 11:57

Ğiraqnıñ yaña prezidentı Cäläl Talabani tantanalı prezident antı birde


71 yäşlek elekke Körd suğışçısı Talabani Bağdadnıñ nıq saqlanğan yäşel zonasında ant birü tantanasınnan soñ räsmi räweştä wazıyfasına kereşte. Talabani älege ğäräp ilendä berençe ğäräp bulmağan däwlät başlığı häm anıñ xakimiätkä kilüe ildäge körd azçılığı öçen zur adıp buldı. Bügen ul parlamentnıñ maxsus utırışında çığış yasadı.

AUDİO: Allah qarşında ant itäm, min üz wazıyfalarımnı häm cawaplılığımnı tuğrılıqlı räweştä häm namus belän ütiçäkmen, Ğiraq xalqınıñ mänfäğätlärenm anıñ kügen, suların, baylıqların häm anıñ demokratik federal' sistemasın qayğırtaçaqmın, cämäğät häm şäxsi irekleklärne, xökem sistemasınıñ bäysezlegen saqlaw öçen eşliäçäkmen, qanunnarnı ğädel häm neutral' räweştä tormışqa aşırırğa tırışaçaqmın. Allah moña şahit.

Prezident Talabaninıñ ike urınbasarı şığıy säyäsätçe Ğadel Ğäbdel Mähdi belän Sönni citäkçese Ğäzi Yawar da bügen tantanalı ant birde.

XS
SM
MD
LG