Accessibility links

пәнҗешәмбе, 8 декабрь 2016, Казан вакыты 07:08

Qırğızstan parlamentı Askar Akayevnıñ xakimiättän kitü turında videoyazmadağı çığışın qaradı


Bügen Qırğızstan parlamentı äğzaları bärep töşerelgän prezident Askar Akayevnıñ xakimiättän kitü turında videoyazmadağı çığışın qaradı. Anda Akayev watandaşlar suğışına yul quymaw öçen ildän qaçuı turında äytä. Ämma parlament bügen dä, inde öçençe kön rättän, Akayevnıñ wazıyfasınnan çigenü möräcäğäten qabul itü yäki itmäw turında qarar çığara almadı. Parlament prezident saylawların 26-nçı iyündä bilgeläw qararın ğämäldän çığardı häm Akayevnıñ statusı turındağı qarardan soñ saylawlarğa yaña waqıt bilgelärgä cıyına. Akayevnıñ çığışı düşämbe könne Mäskäwdäge Qırğızstan ilçelegendä yazdırıldı.

AUDİO: Tuğan xalqım aldında keşelek häm watandaşlıq burıçımnı ütäp, şulay uq humanistik niät belän, wazıyfamnan waqıtınnan elek häm üz telägem belän kitüemne iğlan itärgä telim. 1990-nçe yılda xakimiätkä kilgän Akayev üzeneñ töşerelüen milli faciğä dip bäyäläde. Fäqirlekkä häm ilneñ könyağındağı eşsezlekkä bäyle sotsial problemalarnı üz mänfäğätlären qayğırtuçı köçlär säyäsi tärtipne totrıqsızlandıru häm xakimiätne qulğa töşerü öçen faydalandı dide Akayev.

XS
SM
MD
LG