Accessibility links

пәнҗешәмбе, 8 декабрь 2016, Казан вакыты 07:08

Başqortostan oppozisiäse Mäskäwdä


Bügen, 7 apreldä Mäskäwneñ Lubyanka mäydanında Solovkidan alıp qaytıp, reprressiä qorbannarına quyılğan taş yanında Başqortostannan kilgän 200 dän artıq aqtivist Räximov rejimına qarşı piket ütkärde. Aldan iglan itelgänçä piket irtänge säğat 11 başlanırğa tieş ide. Läkin, Ufadan piketçılarnı alıp kilergä tieş bulğan maxsus oçqıçqa bomba quyılğan dip, yulçılarnı oçqıçtan çığarıp, yañadan oçqıçqa kertkängä qädär 4 säğat waqıt ütkän. Şulay itep piket barı tik töştän soñ säğat 3lär tulıp ütkäç başlandı. Piket xaqında xoquq yaqlawçı oyışmalarğa aldan uq bilgele bulğanğa kürä, bu mäydan irtädän ük militsiä xezmätkärläre belän uratıp alnığan ide. Häm mäydanğa kerü yulları da qaplawdı tordı. Ä inde piketçılar kilep citkäç barısın da tikşerep kerttelär. Ul waqıtqa qädär piketçılarnı yözlägän curnalist , distälärçä wideoqämerälar belän telewidenie da kötep tordı. Alar kilä kileşkä üzläre belän alıp kilgän plakatların totıp bastılar. Ul plakatlarda "Рахимов в ответе за присвоение государственной собственности”, “Башкирия - это политический ГУЛАГ”, “Почему никто не наказал за фальшивые бюлллетени”, “Не докричались,приехали сами” ,Фашизм Республики Башкортостан - Российский фашизм” digän digän süzlär yazılğan ide. Başqortostan aqtivistları üzläre belän Putinğa tapşırır öçen yöz meñnän artıq imza da alıp kilgännär. Ul imzalar Raximovnı wazifalarınnan azat itärgä digän öndämä astına quyılğan. Başqortostannan kilgän aqtiwistlar plaqatlar ğına tügel törmädä utıruçılar kiä torğan qaralı- aqlı buy-buy töşkän kiemnär dä alıp kilgännär. Şul kiemnärdä alar plaqatların totıp basıp tordılar bu keşelär eşsez qaluçılar dip añlattılar. Eşsezlekkä kilgändä, çığış yasawçılar, keşene eşennän çığaru, ğäiläne ber tiensez qaldıru Raximov säyäsäte ısulı didelär. Başqortostannıñ Şaran rayon ğäzetäsınıñ baş redaqtor urınbasarı eşsez qaluı turında söyläp, bügenge köngä qädär sudqa yörtälär dip belderde.. Ä menä Agrar institutı professorı Mäcit Xucin saylawlar waqıtında Raximov ştabında eşlägän bulsa da, bügenge köndä eşsez. Çönki ul Räximovqa , Respublikta tatar telenä ayırım status birergä kiräk digän taläben äytkäç, prezident bik dorfa itep, närsägä kiräk ul tatar tele dip qıçqırğan. Şunnan soñ inde professor , minem Räximovqa qarata fikerem 180 gradusqa üzgärde dip belderde. Telewidenie häm radio jurnalistlar kübräk oppozisiä citäkçekläre Ramil Bignov häm Ayrat Dilmöxämmätov tiräsendä buldı. Dilmöxämmätov Başqortostandağı wazgiätne revolyusiä aldınnan bula torğan wazgiät dide. Bez Kremldän bernärsä dä kötmibez dide ul, läkin bez bu eşne axırınaça alıp baraçaqbız, dide. Bu piketta qatnaşqan, Başqortostannan kilgän 220 keşe arasında törle oyışma, partiä wäkilläre belän bergä pensionerlar partiäsennän dä keşelär bar ide. Şularnıñ berse Rawil Axmetov. Ul da pensionerlarnıñ taşlamalarına qarata bulğan bitaraflıq xaqında söyläp, citäkçelär tarafınnan tatar telenä mönäsäbätnaçar dip äytte. Şulay itep bügen Mäskäwneñ üzäk mäydannarınıñ bersendä Başqortostandağı Raximov rejimına qarşı bulğannarnıñ piketı uzdı. Alar, ägär dä bezneñ gözerlär Putinğa barıp citmäsä , bez tağı da kiläçäkbez, axırğa qädär baraçaqbız dip atn ittelär.

Näzifä Kärimova, Mäskäw

XS
SM
MD
LG