Accessibility links

Кайнар хәбәр

Ukrainada qulğa alınğan Donetski ölkä şurası räise Boris Kolesnikovnı irekkä çığaru taläbe belän mitinglar ütte


Ukrainanıñ elekke premyer ministrı häm prezident namzäte Viktor Yanukoviç Donetski ölkä şurası başlığı Boris Kolesnikovnı kiçekmästä irekkä çığarunı taläp itte. Yanukoviç şuşı taläp yazılğan xatın baş prokuror Svyatoslav Piskunğa, Yuğarı Mäxkamä räise Vasiliy Malyarenkoğa, häm eçke eşlär ministrı Yuriy Lutsenkoğa yullawı turında belderä. Kolesnikov törle ğäyepläwlär nigezendä bu atnada qulğa alındı. Ul qurqıtu belän aluda, häm keşe üterü öçen süz berläşterüdä ğäyeplänä. Ämma anıñ tarafdarları qulğa alu säyäsät belän bäyle di. Bügen Donetskida häm Kievta anı irekkä çığaru taläbe belän oyıştırılğan mitinglarda meñnärçä keşe qatnaştı. Uzğan prezident saylawlarında Kolesnikov Yanukoviçnı yaqlağan ide. Saylawlarda xäzerge prezident Viktor Yuşçenkoğa ottırğannan soñ Yanukoviç Töbäklär partiäse dip atalğan oppozitsion säyäsi törkem oyıştırdı. Ukraina parlamentı räise Volodımır Lıtvın üz telefonınıñ häm başqa deputatlar telefonnarınıñ tıñlanuı turında belderde. Ul şulay uq qayber deputatlarnıñ küzätü astında buluı turında äytte. Ämma ul bu turıda şunnan arı berni dä äytmäde.
XS
SM
MD
LG