Accessibility links

сишәмбе, 6 декабрь 2016, Казан вакыты 19:12

Pekindäge Yaponiägä qarşı cıyın çualışqa äylände


Pekin. Meñlägän qıtaylınıñ bügen Pekindäge yapon ilçelege qarşında uzdırğan cıyını ilçelek binasınıñ täräzälären watu häm taşlar atu belän tämamlandı. Moña çik quyu öçen Qıtay militsiäse keşelärne quıp taratırğa mäcbür buldı. Yaponnarğa qarşı käyeflär Qıtayda uzğan sişämbedän birle, Yaponiädä yaña tarix däreslege raslanğannan soñ arttı. Älege kitap, anda yaponnarnıñ İkençe dönya suğışı waqıtındağı wäxşilege aqlana dip tänqitlänä. Pekindäge ilçelek qarşında cıyın uzdıruçılar, üzläreneñ bu xaqta ber-berse belän elektron xat häm qısqa xäbär alışu aşa kileşüe xaqında belderde. Qıtaynıñ räsmi xäbärlär agentlığı Xinhua şuşı qarşılıq çarası turında mäğlümat birep, anda 10 meñläp keşe qatnaştı dip xäbär itä. Höcümnär Yaponiäneñ Bank of Tokyo-Mitsubishi bankı bülekçäsenä häm yapon ilçese yortına da yasalğan dielä.

XS
SM
MD
LG