Tiflis. Gruziädä bügen, 1989-nçı yılda bäysezlek dawlap mäydanğa çıqqan qoralsız keşelärne sovet ğäskäre tarafınnan bastırunıñ 16 yıllığı bilgelänä. Ul waqıtta Tiflistä 21 keşe hälak bulğan ide. Bügen şul waqiğälär bulğan urınğa yözlägän keşe kilep, çäçäk bäylämnäre häm şämnär quyıp kitte. Keşe xoquqların yaqlaw berläşmäse wäkile Georgiy Kervalişvili, bäysezlek tarafdarlarına qarşı qoral qullanunı yaqlap çığuı öçen şul çaqta sovetlarnıñ tışqı eşlär ministrı bulıp torğan, soñraq prezident itep saylanğan Eduard Şevardnadze xäzer xökemgä tartılırğa tieş dip belderde.
