Accessibility links

якшәмбе, 4 декабрь 2016, Казан вакыты 05:05

Proyektnıñ yañalığı nidä?


Düşämbe könne Bötendönya tatar kongressı Başqarma komitetında “Ğomumawropa telläre standartları häm tatar tele” digän tügäräk östäl uzdı. Anda Almaniädän kilgän tel belgeçe Anya Pabs, “Tatar telen saqlaw häm üsterü. Tatarstan öçen Awropa telläre täcribäsen kertü” digän yaña proyektı belän Novosibirskidan filolgiä fännäre aspirantı Mödäris Abakirov häm Tatarstannan tel belgeçläre, ğalimnär qatnaştı.

Tügäräk östäl başında tatar telen dönya külämendä tanıtu öçen Almaniädä nemes telen öyränü täcribäsennän çığıp eş itü kiräk digän fiker äytelde. Uzğan yılnıñ fevralendä Almaniädän Rusiägä kilgän tel belgeçe Anya Pabs üzeneñ eşe belän tınıştırdı

Bez nemes telen Rusiädä çit tel bularaq öyrätü öçen programmalar buldırabız. Törle seminarlar uzdırıp uqıtuçılarğa belem biräbez. Miña uzğan yılnı tatar tele buyınça eş alıp baru öçen Mödäris möräcäğät itte.

Mödäris Abakirov “Tatar telen saqlaw häm üsterü. Tatarstan öçen Awropa telläre täcribäsen kertü” proyektı belän tügäräk östäldä qatnaşuçılarnı tanıştırıp uzdı. Proyektnıñ biş basqıçın atadı. Alar arasında ğailädä, mäktäptä tatar telen öyrätü, “tatar tele çit tel bularaq” digän däresleklär çığaru, tatar mädäniäten, ğöref-ğadätlären üsterü öçen nindi eşlär eşlärgä kiräklege, internetta çit tellärne öyränüdä nigez bulıp torğan Dialang sisteması nigezendä tatar telen öyrätü kebek basqıçlar bar. Proyekt belän tanıştırğaç «tügäräk östälgä» cıyılğan tel belgeçläre, ğalimnär älege eşlärneñ kübese inde Tatarstanda berniçä yıl däwamında eşlänep kilüen äyttelär. TR Ministrlar Kabinetı qarşındağı Tatarstan xalıqları tellären üsterü komitetı citäkçese Kim Miñnullin tellär turındağı yaña programma belän tanıştırıp uzdı.

Professor Flera Safiullina: «Berençe çiratta tatar telenä qaraşnı üzgärtü kiräklegen äytte. Çönki ul härwaqıt ikençe urında bulıp kilä», - dide. Şulay uq proyektlar, programmalar ütäw öçen zur çığımnar taläp itelüen dä assızıqladı, tel belgeçläre. Professor Fuat Ganiev

Berençe çiratta telne öyränü öçen ixtyäc kiräk. İxtıäc bulsın öçen yuğarı dairädä utıruçı citäkçelär telne öyränergä tieşlär.

«Tügäräk östäl» azağında rezolyutsiä qabul itelde.

Landış Xarrasova

XS
SM
MD
LG