Accessibility links

дүшәмбе, 5 декабрь 2016, Казан вакыты 21:39

UNESCO belgeçläre, Bolğar şähärçege dönya mirası isemlegenä kerergä layıq, dip sanıy


UNESCO belgeçläreneñ 6nçe apreldän başlap, 10 qädär barğan maxsus oçraşuları tämamlandı. 37 il wäkile qatnaşlığındağı märtäbäle cıyın öçen urın saylanğanda, Qazannıñ 1000 yıllıq waqiğası xäl itkeç rol uynağan ikän. Qazan da üzendä ekspertlar cıyılışın ütkärep, üz täqdimnären dönyağa citkerä aldı. Cıyılış näticäläre turında, UNESCOnıñ mädäni mirasnı bilgeläwçe belgeçe Çulpan Xäbibullina belän söyläştek. Anıñ söyläwençä, Qazanda ütkän cıyılışta, Kamil İsxaqov, mädäni miras, dip sanaluçı häykällärneñ dönya häm ayırım däwlät däräcäsendäge isemleklärgä östäp, regional isemlek buldırırğa täqdim itkän. Şunıñ belän bergä ul UNESCOga Dönya mirası şähärläre oyışması belän xezmättäşlek başlarğa da çaqırğan. Täqdim qabul itelsä, älege oyışma aşa dönya mirası isemlegenä kerergä layıqlı regional häykällär, unikal äyberlär isemlege tözeläçäk. Alarnıñ iñ layıqlıları soñınnan UNESCOnıñ dönya küläm isemlegenä täqdim iteläçäk. Rusiä däräcäsendäge isemlektä, Tatarstannan 3 häykäl bar. Alarnıñ berse – Bolğar şähärçege. Xäzer şuşı häykälne dönya küläm isemlekkä kertü eşe bara. Ekspertlar, ütkän yalda, Bolğar şähärçegen qarap qayttı häm ul çınnan da dönya mirası isemen yörtergä layıq dip kittelär, häykällärne dönya mirası isemlegenä kertü, turistlarnı qızıqtıru öçen dä kiräk, dide «Azatlıq»qa Çulpan Xäbibullina.

Bikä Timerova.

XS
SM
MD
LG