Accessibility links

Taciqstan prokuraturası oppozisiä başlığı Mahmadruzi İskandarovnı qulğa alu färmanın qabatladı


Taciqstannıñ baş prokurorı Bobojan Boboxanov, oppozisiä citäkçese Mahmadruzi İskandarovnı qulğa alu turında färmannı tağın ber tapqır qabatladı. Bügen Düşänbedä matbuğat oçraşuında Boboxanov, İskandarovnı tikşerü tämamlanmadı, dide, häm Rusiä räsmiläreneñ anı törmädän çığaruına qänäğätsezlek belderde: "Anı, qurqınıç cinäyätçe bularaq, qulğa alu färmanı bar. Ber kemneñ dä, ber säyäsi partiäneñ dä anı qulğa alırğa qomaçawlarğa xoquqı yuq. Cıyılğan rişwätlär dä aña yardäm itmiäçäk. Tuğannarı häm xezmättäşläre tırışmasın da. Qayçan da bulsa ul cawapqa tartılaçaq," dide baş prokuror. Taciqstan demokratik partiäse başlığı İskandarov üz ilendä zur külämdä aqça üzläşterüdä häm oyışqan cinäyätçel törkemgä qatnaşı buluda ğayeplänä. Taciqstan sorawı belän ul uzğan yılnıñ dikaber ayında Mäskäwdä qulğa alınğan ide. Uzğan atnada Rusiä räsmiläre, ğayepläwlärneñ nigezsez bulğanın belderep anı irekkä çığardı häm Taciqstanğa tapşırudan baş tarttı.
XS
SM
MD
LG