Accessibility links

пәнҗешәмбе, 8 декабрь 2016, Казан вакыты 13:04

Qayber milli oyışma çitäkçeläre oppozitsiä ütkärgän çaralarğa qarşı çığa


Başqortstan Assambleyäsına kergän milli-mädäni üzäk citäkçeläre respublik xalqına möräcägät belän çıqtı. Anda qarşılıq aqsiäläreneñ sotsiäl yözle bulmawı, taşlamalarnı beterü, xezmät xaqların kütärü respublik wäqälätenä kermäwe äytelgän. Uram cıyınnarı säyäsi maqsatlardan dip, alarnıñ artında respublik baylığın qulğa töşerü torğanlığı äytelä. Möräcägät xalıqnı prowoqatsiälärgä birelmäskä, awantyuristlar qotqısına bireşmäskä çaqıra. Oppozitsiä ütkärgän çaralar uñayınnan törle möräcägätlär qabul itelä, tügäräk öställär uzdırıla. Alarda başqort, tatar, urıs, çuwaş, mariy häm yähüd milli-mädäni üzäkläre citäkçeläre daimi qatnaşa.Tatarlar yağınnan ul çaralarda Başqortstan tatarları qorıltayı başqarma qomitetı äğzası Roza Däminowa qatnaşa häm başqarma qomitet isemennän çığış yasıy. Başqarma qomitet räise Eduard Xämitov Rusiä Däwlät dumasına deputat bulıp kitkännän soñ Däminowanıñ oyışma isemennän çığışları yışayıp kitte. Şul uq waqıtta başqarma qomitet räiseneñ ike urınbasarı buluğa qaramastan. Eş şunda, urınbasarlar häm başqarma qomitetnıñ küpçelek äğzalarınıñ Däminowa pozitsiäsen yaqlamıy. Däminowa ul oçraşularda respublik tatarlarınıñ bernindi dä basımğa duçar bulmawı, problemnar bulmawın bilgeli.

XS
SM
MD
LG