Accessibility links

якшәмбе, 11 декабрь 2016, Казан вакыты 13:09

Waşington yähüd qasabaları mäsäläsendä İzraelgä basım yasıy


Prezident G.Bush Könbatış Üzändä bäxäsle yähüd qasabaların cäyelderü turındağı planlarınnan wazkiçsen dip İzrael premyere A.Sharonğa açıqtan açıq basım yasadı. İke citäkçe Bushnıñ Texastadağı utarında oçraşqannan soñ jurnalistlarğa fälästin suğışçan törkemnäreneñ izrael sivillärenä höcümnären tuqtatu mäsäläsendä Fälästin citäkçese Mäxmud Abbas nığıraq eşlär dip kötüläre turında belderde.

Prezident G.Bush min İzraelneñ Maaleh Adumim qasabasında östämä 3.500 toraq tözü plannarın ğämälgä quymasınnar dip nıq basım yasadım dide.

Bush(audio)

Min İzraelneñ yul xaritası yäki sonğı status yöklämälärenä qarşı bulğan ber nindi dä çaralar kürmäwläre turında premyer ministırğa belderdem. İzrael Könbatış Üzändä qasabalar mäsäläsenä qarağan yul xaritası yöklämälärenä turılıqlı bulu öçen anda röxsätsez salınğan yortlarnı sütep taşlarğa tieş.

Tınıçlıq öçen yul xaritası Könbatış Yarda häm Gazada yähüd utarlarınıñ tözelmäwen häm röxsätsez tözelgännärne sütep taşlawnı küzdä tota. Yul xaritası AQŞları, Rusiä, Yevropa Berlege häm BMO tarafınnan yaqlana. Sharon xökümät yul xaritası planına kileşle xäräkät itäçäk dip kenä äytsä dä ul küptänge yähüd qasabaları kiläçäktäge Fälästin däwlätenä tapşırılmayaçaq dip östäp quyğan.

Sharon(audio)

Status turındağı qatğıy kileşüdä İzrael pozitsiäse mondıy bulaçaq: Yudea häm Samariadağı ( yäğni Könbatış Yardağı) zur yähud üzäkläre İzrael däwläteneñ öleşe bulıp qalaçaq.

Bush bu belderüne yaqlap çıqtı . Ul ber yıl elek Sharon belän Aqyortta oçraşqanda äytkän süzlären qabatlap –älege çınbarlıq status turındağı qatğıy kileşüdä küzdä totılırğa tieş dide. Sharonnıñ bu komentarları fälästinnär arasında tänqitkä säbäp buldı.Fälästin Xakimiäte süzçese Nabil Abu Rudeineh İzraelne yul xaritasın ğämälgä quymas öçen sıltau ezläwdä ğäyepläp çıqtı. Fälästin wäkile Saeb Erakat İzraelne Bush süzlärenä iqtibar itärgä çaqırdı.Radikal islamçı xäräkät Xamas tınıçlıq protsesı cimerelä ala dip kisätte. Xamas süzçese Sami Abu Zuhri İzraelneñ kileşülärne bozularına fälästinnnär reaksiä kürsätäçäk dide

Zuhri(audio)

Älegä sülpänlek däwam itä.Ämma İzraelneñ här törle qarşılığına fälästinnär cawap biräçäk. Sülpänlek, tınıçlıq cimerelügä yaqın tora çönki okupatsiä agressiäne tuqtatmadı häm sülpänlek öçen taläplärne ütäwdä ciddi tügel

Sharonnıñ ,prezident G.Bushnıñ Texastağı utarına vizitı küptännnän planlaştırılğan häm ul Sharonnıñ Gazadan çigenü planıñ AQŞnıñ yaqlawın kürsätü mäqsatın quya . Ämma dä läkin Könbatış Üzändäge in zur yähüd qasabasın tağı da kiñäytü plannarı ike citäkçese arasındağı söyläşülärdä borçıluğa säbäp bulıp tora.Bush Gaza anıñ häm dönynıñ iqtibar üzägendä tora , Sharonnıñ gazadan çigenü qararı bik qıyu häm ul bu adımnı fälästinnär belän koordinatsiälärgä teli dip söyläde. AQŞnıñ ilbaşı çigenüneñ uñışlı buluı öçen Abbas häm fälästinnärneñ başqa citäkçelären İzrael xäkümäte belän bergäläp eşlärgä çaqırdı. Gaza da 21 yähüd qasabası bar, alar bu cäy cimerelergä tieş.Anda yäşäwçe yähüdlär üz teläkläre belän kitmiäçäklären , alarnı annan köç qullanp qına çığara alaçaqlar dip söyli . Şul säbäptän İzraeldä kierenkelek şaqıtıy artqan .Ber jurnalist Sharonnan ildä watandaşlar suğışı çığu qurqınıçı barmı dip sorağaç

Sharon (audio)

watandaşlar suğışı atmosferası bar , ämma min barlıq qıyınlıqlarğa qaramastan Gazadan çigenünen tınıç buluı öçen quldan kilgän här närsäne eşliäçäkmem

Sharon İzraelneñ yul xaritası turındağı cawaplılığı yanında Abbas ta İzraelgä höcümnärene buldırmas öçen kübräk eşlärgä tieş digän, Gärçe ul Abbasnıñ suğışçan törkemnärne awızlıqlaw öçen konkret çaralar kürüen iqrar itsä dä , kübräk eşçänlekkä çaqırğan. Yaqın Könçığışta demokratiä cäyelderü mäqsatın quyğan G.Bush yanına 25nçe apreldä Suğut şaxzadäse Abdulla häm kiläse ayda Abbas kiläçk färidä xämit
XS
SM
MD
LG