AQŞ saqlanu ministrı Donald Rumsfeld bügen Bağdadta Ğiraqnıñ yaña premyer-ministrı İbrahim al-Cağfari häm prezident Cäläl Talabani belän bulğan oçraşuda, ildä köç qullanu däwam itkändä iminlek köçläre arasında "çistartular" uzdırmıy torırğa çaqırdı. Cağfari'nıñ Berläşkän Ğiraq İttifağı, iminlek köçlärendä Saddam Hösäinneñ elekke Baath partiäse wäkilläre bar, dip tikşerülär ütkärüne täqdim itkän ide.
Talabani, Rumsfeldnı bu atna azağında xökümät tözelep betäçäk, dip ışandırdı. Rumsfeld Bağdadtan soñ Mosulğa kitte.
