Accessibility links

шимбә, 3 декабрь 2016, Казан вакыты 01:24

Stalin äybät keşe bulıp çığamı?


Bötendönya tatar kongressı binasında barğan matbuğat oçraşuında şähär administratsiäseneñ mäğärif häm mädäniät idäräläre citäkçeläre Watan suğışında ciñüneñ 60 yıllığına äzerlek çaraları turında söylädelär. Oçraşunı Mäğärif idäräse başlığı İl'dar Gäliäxmätov başladı. Mäğärif sistemasında altmış yıllıqqa äzerlek çaraları yäşlärne patriotik ruxta tärbiäläwgä bağışlanğan federal' respublika häm şähär programmalarına nigezlänep alıp barıla. Monnan tış şähärneñ “1941-1945 yıllardağı Böek Watan Suğışında Ciñüneñ almış yıllığına äzerlek häm ütkärü turındağı“ ayırım programması bar. Mäğärif idäräse altmış yıllıqqa äzerlekne bäyräm ütkärep cibärü genä dip qabul itmi. Bu datanı balalarnı patriotik tärbiä eşen däwam itü itü di. Bu eşlärneñ iñ möhime suğış veterannarına iğtibar häm yärdäm. Qazanda yäşäwçe tuğız meñ suğış veterannarınıñ täfsille isemlege tözelgän. Alar yäşäw urınnarına qarap mäktäplärgä ayırım sıynıflarğa bülengännär. Mäktäp balaları alar belän aralaşıp xällären belep tora. Bäyräm aldı çaralarında veterannarnıñ tarixın belüdä bäygelär bar. Şular arasında-“Cide buyın babañnı” bel digän ğibärädän çığıp, suğışta qatnaşqan babalarıñnı belü bäygese dä. Menä şundıy tärbiä çaralarınıñ näticäläre nindi soñ? Yäşlär suğış tarixın beläme? Stalin turında ni uylıy? Bu sorawlarğa cawapnı Qazan xakimiäteneñ mäğärif idäräse başlığa Rusiädä ütkärelgän soraşular näticäsennän sannar kiterüdän başladı. Axırda İl'dar äfände bu mäs’älägä qarata üzeneñ mönäsäbäte turında da äytte. Şulay itep mäktäp balaları ikençe bötendönya suğışı tarixın kübräk-Watan suğışında ciñü tarixı bularaq öyränälär. Alarnıñ kübese öçen Stalin-watan suğışında ciñü yaulağan ğäskär başı bulıp çığa tügelme soñ? Yunıs Ätnäle.

XS
SM
MD
LG