Accessibility links

пәнҗешәмбе, 8 декабрь 2016, Казан вакыты 03:16

Ğiraqta 12 polisiä xezmätkäre hälak buldı


Ğiraqta bügen qapqanğa quyılğan şarlatqıçnı qoralsızlandırğanda polisiägä höcüm bulıp 12 keşe hälak bulğan, kimendä 3 keşe yaralanğan. Polisiä wäkile Sarhat Qadir, bu waqiğa Kirkuk şähärennän tönyaqkönbatışqa taba 15 çaqrımda bulğan, dip xäbär itte. Bağdadta amerikan xärbi maşinaları barğanda ike şartlaw bulğan. Şaxidlärneñ berse, Ahmed Abdul Zahra: "Bez benzin stansiäsendä tora idek, yannan amerikan maşinaları uzıp barğanda qatı şartlaw buldı. Yağulıq salğan maşinadan töten çığa başladı, yörtüçese yögerep çıqtı. Başqa maşina tuqtap anı üzenä aldı, benzin stansiäse yanında tege maşian yanıp qaldı, bez dä üzebeznekelärne şunda qaldırıp çitkä yögerdek," dip säyläde şaxitlärneñ berse. Bügen Bağdadqa AQŞ däwlät sekretare urınbasarı Robert Zoelick kilä. Anıñ Ğiraq prezident wazifaların başqaruçı Cäläl Talabani häm premyer-ministr İbrahim Caafari belän oçraşuı kötelä. Fallucada Zoelick Amerikan ğaskärläre belän oçraştı.

XS
SM
MD
LG