Accessibility links

Кайнар хәбәр

Bötendönya başqortları kongressınıñ cittäge bülekçäläre Başqortstandağı protest çaralarına qarşı çığa


İğtibar üzägendä – qarşılıq aqsiäläre. Bulıp uzğannarı häm alda torğannarı. Qarşılıq aqsiäläre uñayınnan fiker belderülär respublik çiklärennän dä çitkä çıqtı. Bötendönya başqortları kongressınıñ Üzbäkstan Respublikı, Qurğan, Perm, Swerdlaw ölkälärendäge bülekçäläre Başqortstandağı xällär uñayınnan borçılu beldergän. Alar oppozitsiäneñ adımın stabillek, xalıqlar arasındağı duslıqqa qarşı yünältelgän dip bäyäläwen ireştergän. Üzäk Diniä näzaräte başı Tälgät Tacetdingä qarağan Çallı möftie Fänäwi xäzrät Şäymärdanovnıñ möräcäğäte tağı da bayıraq eçtälekle. «Başinform»ğa yullağan ul möräcägättä «Yar Çallıda Tatarstandağı iñ radiqal , iñ bizdergeç köçlärneñ kiñäşmäse ütte» dielä. «Alar arasında tatar milli-ictimağıy xäräkäten qurqıtıp häm eçtän tarqatıp betkän waxxabit qaraşlı odioz Aydar Xälim, Fäwziä Bäyrämowa, bertuğan Qaşapovlar häm şundıy subyıqtlar bar». «Suğış firqäse» äğzaların häm alarnıñ pıçraq prowoqatsiälären tuqtatırğa çaqırabız». Möräcägättä Ufada bulaçaq çarağa Çallıdan autobuslar belän barırğa cıyınuçılar ike tuğandaş respublik arasın bozu maqsatın quyğan dip bäyälänä. Başqortstan däwlätçelek, tel häm başqa mäsälälärne saqlawda Tatarstanğa teräk dip atala.
XS
SM
MD
LG