Accessibility links

дүшәмбе, 5 декабрь 2016, Казан вакыты 05:29

Kamil İsxaqov: “Bezneñ yullardan da naçarraq yullar Keniädä bar ikän äle”


Kamil' İsxaqov xisap notığın- “tağın 138 könnän bezneñ şähärgä meñ yıl tula” dip başladı häm “barlıq köçebezne tuplap bez Qazannıñ meñ yıllığın layıqlı qarşılarğa tieş” dip tämamladı. Barlıq xisap şuşı datağa bağışlap başqarılğan ğämällärne barlaw, citeşsezleklärne tänqitläwgä qorılğan ide. İñ alğa çığarılğan burıçlarda qalğan qalğan aylarda eşläp beteräse eşlär belän bäyle ide. Qazanışlar arasında berençe itep Qazannıñ 2004 yılda Rusiäneñ iñ yaxşı şähäre bulıp tanıluı äytelde. Uzğan yıl Qazannıñ yazmışında zur waqiğa- ul şähärneñ munitsipalitet berlege statusı birelü häm moña bäyle şähärneñ Ustavın, geral'diqasın äzerläw. Mäğlüm ki yıl başında Qazan Ustavı, gerbı häm bayrağı raslandılar. İñ zur problemalardan xezmät xaqların kütärü yäğni tormış däräcäsen yaxşırtu äytelde. Xisap notığında şähär xalqınıñ tormış däräcäse kütärelüe turında sannar kiterelsä dä, mäs'älän urtaça xezmät xaqınıñ altı meñ sumğa citüe, läkin wäzğıät xastäxәnä dä däwalanuçı awırularnıñ urtaça temperaturası normal' dip näticä yasaw şikelle ikän. Sorawlarğa küçkäç mäktäp direktorı bulıp eşläwçe ber deputat mäğärif sistemasında eşläwçelärneñ xäle ayanıç bulın äytte. Mäktäp direktorınıñ stavkası, yäğni eş xaqınıñ daimi öleşe ike meñ sigez yöz sum, ä yaña eşkä kereşkän mögällimgä meñ ike sum stavka quyıla ikän. Şähärneñ ikençe urınğa çığarılğan probleması Rusiädäge berençe problemağa turı kilä ikän. Bu yullar probleması. Kamil' İsxaqov- Qazan uramnarında tözätü taläp itelmägän un kvadrat metr urın da tabıp bulmıy dip äytkänem bar ide inde. Küptän tügel Keniädä bulğan idem anda beznekennän dä naçar yullar bar ikän äle- dide. Xisap notığınıñ iñ tänqitle urını buldı bu. Tulayım notıq niçekter tössez, tonıq bardı. Şuña kürä dokladçığa berençe soraw uq kisken tänqile itep birelde. Deputat Yuri Baxteev sessiägä respublikanıñ Ministrlar Kabinetı wäkilläreneñ kilmäwe, monda ul Ministrlar Kabinetı belän şähär xäkimiäte arasında qarşı toru probleması kürmäsädä, urtaq eşkä zıyan kilüen äytte. Kamil' İsxaqovnıñ qayber problemalarnı qıyusız ğına yaqtırtuın äytte. Deputat fikerençä şähär xucalığı birgän qırıq ike milliard sum keremneñ Qazan qaznasına öç milliardı ğına qaldırıluı iñ zur problemalarnıñ säbäbe. Läkin mondıy döres süzlärgä dä cawap süzendä problemanıñ asılı çişelmäde. Qazan başlığı barı tik respublikanıñ başqarma oyışmaları belän şähär xakimiäte arasındağı mondıy mönäsäbätlärneñ Rusidä xakimiät vertikalen nığıtu säyäsäte näticäse ikänenä işarä yasadı häm deputatlar quyğan mäsälärne yazıp baruı häm çaralar küreläçägen äytte. Yunıs Ätnäle.

XS
SM
MD
LG