Accessibility links

шимбә, 3 декабрь 2016, Казан вакыты 09:57

Tatar telendäge fälsäfi xezmät öçen, professor Kazbek Ğıyzätov Fännär Akademiäse bülägen aldı


Fännär Akademiäse 14 april könne cıyılış ütkärep, ütkän 2004 yılğa näticälär yasadı. Tatarstan fännär Akademiäseneñ üz binasında remont baru säbäple, yıllıq utırış Däwlät Universitetı zalında ütte. Akademiä Prezidentı Mansur Xäsänov cıyılışta çığış yasadı, fänneñ törle tarmaqlarında alıp barılğan eş näticäläre belän tanıştırdı. Notıqtan añlaşılğança, ğalimnär ütkän yılda, xökümät quyğan maqsatlarnı ütäw yözennän, fundamental tikşerenülärgä qarağanda, xucalıqta qullana alırlıq eşlärgä kübräk iğtibarnı yünältergä tırışqan. Mäsälän, awıl xucalığı öçen, cirne bozmıy torğan zamança aşlamalar eşläp çığarğan, ximiä belgeçläre neft borawlarnı näticäleräk alıp baru öçen caylanmalar uylap tapqan, ä informatizatsiä öçen cawaplı ğalimnär, Çeçnya respublikasındağı kommunikatsiälärne torğızuda qatnaşqan öçen, elemtäçelär bülägenä layıq bulğan, dide Tatarstan Fännär Akademiäse Prezidentı. Ul şulay uq, ğalimnärneñ däwlät sorawı belän niqädär eş alıp burı turında da söyläde .Grantlar sorap tikşerenülär ütkärü dä şoma barmıy bulıp çığa, bäygegä quyılğan fänni tikşerenülär sanı ber niçä yöz bulırğa mömkin, e grantnı barı ber-niçäse genä ala. Mäsälän, meditsina ğalimnäre, ütkän yılda, şundıy xälgä oçrağan. Elek qabul itelgän kileşülär buyınça da ğalimnär, finanslawnıñ waqıtında kilmäwe kebek qıyınlıqlarğa oçrağan.

Fänni cämäğätçelek häm xakimiät wäkilläre älege utırışta ber berse aldında awırtqan mäs’älälärne quydı, kileşep eşläw turında uylanırğa buldı. Yıllıq utırışnıñ axırında, Fännär Akademiäseneñ maxsus Premiäläre tapşırıldı. Akademiä, Şiğabetdin Märcäni isemendäge büläkne tatar telendäge 2 tomlıq fälsäfä kitabı öçen Mädäniät häm Sänğät Universitetı ğalime Kazbek Gizatovqa tapşırırğa qarar itte. Räsmi xäräbälärdä äytelgänçä, Professor Ğizatovnıñ fänni eşe - sänğätneñ tatar telendäge tarixi häm fälsäfi konsepsiäsen berençe tapqır tözü omtılışı bulıp tora. Professor Ğizätovqa «Näfasät» digän fänni cıyıntığı öçen 28 meñ sumlıq Akademiä büläge tapşırıldı.

Bikä Timerova.

XS
SM
MD
LG