Accessibility links

шимбә, 3 декабрь 2016, Казан вакыты 20:48

Hague mäxkämäse xökem qararı kötkän 4 yuğarı serb räsmien älegä irekkä çığara


Bosniä serb ofiserı Vujadin Popoviç, 1995nçı yılda Srebrenisada 8 meñgä yaqın möselman irlären häm malaylarnı üterü eşe turında tanıqlıq itü öçen Hague'tağı suğış cinäyätläre mäxkämäsenä kilde. Popoviçqa 4 ğayepläw belderelgän, atap äytkändä, genosid yä genosid qıluğa qatnaşu, keşe üterü, keşeçelekkä qarşı cinäyätlär qılu häm suğış qanunnarın bozu. Mäxkämä eşe inde 3nçe yıl däwam itkän elekke Yugoslaviä prezidentı Slobodan Miloşeviç bügen tribunaldan, üz üzen yaqlawğa äzerläner öçen östämä waqıt soradı. Anıñ sälämätlege naçar buluı säbäple, mäxkämädä tıñlawlar atnasına 3 kenä kön bula. Xakim Patrick Robinson, tabip belän söyläşäçägen häm mömkin bulsa tıñlawlar öçen atnağa tağın 1 kön östärgä täqdim itäçägen belderde. Miloşeviçqa 66 ğayepläw belderlgän. Mäxkämä xökem eşe barğan 4 yuğarı serb räsmien älegä irekkä çığarıp toru turında xäbär itte. Alar elekke serb prezidentı Milan Milutinoviç, elekke Yugoslaviä premyer-ministrı urınbasarı Nikola Sainoviç, elekke ğaskär başlığı Dragolüb Oydaniç häm elekke general Vladimir Lazareviç.

XS
SM
MD
LG